13 Февраль 2026
Недоступен ни однин перевод.
12 феврали соли 2026 дар шаҳри Хуҷанд маросими ботантанаи кушодашавии филиали нави ҶСП Бонки «Арванд» баргузор гардид.
Дар чорабинӣ муовини якуми Раиси шаҳри Хуҷанд Ғайбуллозода Хайрулло, Мудири Шуъбаи минтақавии Бонки миллии Тоҷикистон дар шаҳри Хуҷанд Валиев Н.А., роҳбарияти Бонк, мизоҷони фаъол ва шарикони ҳамкор иштирок намуданд. Маросим бо буридани лентаи рамзӣ оғоз гардида, меҳмонон бо шароити корӣ, инфрасохтор ва имкониятҳои хизматрасонии филиали нав шинос шуданд.
Дар сухани худ Валиев Н.А. зикр намуд, ки Бонки «Арванд» аз зинаҳои хурд фаъолиятро оғоз намуда, ба сатҳи баланд расид, хусусан баҳри мусоидат ба соҳибкорӣ.
Бонки «Арванд» имрӯз яке аз ташкилотҳои молиявии пешсафи кишвар ба ҳисоб рафта, ба зиёда аз 400 ҳазор мизоҷ тавассути шабакаи васеи намояндагиҳо дар саросари ҷумҳурӣ хизмат мерасонад. Кушодашавии филиали нав дар шаҳри Хуҷанд идомаи мантиқии стратегияи густариши фаъолияти Бонк ва баланд бардоштани дастрасии аҳолӣ ба хизматрасониҳои муосири молиявӣ мебошад.
Сандуқи қарзии фаъол дар филиали навбунёд зиёда аз 148 миллион сомониро ташкил медиҳад. Ҳаҷми амонатҳо ба 47 миллион сомонӣ баробар буда, талабот ба хизматрасониҳои интиқоли маблағ мунтазам меафзояд. Ба фаъолият оғоз намудани филиали нав, имкониятҳои пешниҳоди хизматрасониҳои босифат ва дастрас боз ҳам бештар мегарданд.
Бонки «Арванд» дар фаъолияти худ таҷрибаи пешқадами байналмилалӣ ва технологияҳои муосирро ҷорӣ менамояд. Истифодаи замимаи мобилӣ, хизматрасониҳои ғайринақдӣ, скоринги қарзӣ бо истифода аз технологияҳои интеллекти сунъӣ, барномаҳои махсус барои соҳибкорон, аз ҷумла занону ҷавонон, яке аз самтҳои афзалиятноки рушд ба шумор мераванд.
Роҳбарияти Бонк дар баромади худ таъкид намуд, ки ҳамаи дастовардҳо натиҷаи ҳамкории самаранок бо мизоҷон буда, кушодашавии филиали нав боз як қадами устувор дар роҳи рушди иқтисодии минтақа ва дастгирии соҳибкории хурду миёна мебошад.
Дафтари матбуоти
Раиси шаҳри Хуҷанд
