22 Декабрь 2025
Недоступен ни однин перевод.
Дар толори Идораи филиали ҶСК “Тақсимоти барқ” дар шаҳри Хуҷанд бо иштироки Бахтиёр Раҳматзода, менеҷери ҶСК «Шабакаҳои тақсимоти барқ», Озифхон Шарифзода мудири шуъбаи энергетика ва саноати Мақомоти ичроияи ҳокимияти давлатии вилояти Суғд, Хайрулло Ғайбуллозода муовини якуми Раиси шаҳри Хуҷанд ва кормандону собиқадорони соҳаи энергетика Рӯзи барқчиён таҷлил карда шуд.
Камолҷон Расулов, сардори филиали «Шабакаҳои тақсимоти барқ» дар шаҳри Хуҷанд чорабиниро ифтитоҳ намуда, аз дастгириҳои доимии Давлату Ҳукумат ва таваҷҷуҳи хоса ба соҳаи энергетика ёдовар шуд.
Озифхон Шарифзода мудири шуъбаи энергетика ва саноати Мақомоти ичроияи ҳокимияти давлатии вилояти Суғд номаи табрикотии Раиси вилоят Раҷаб Аҳмадзода ва Хайрулло Ғайбуллозода, муовини якуми Раиси шаҳри Хуҷанд номаи шодбошии Раиси шаҳри Хуҷанд Фирдавс Шарифзодаро ба муносибати рӯзи барқчиён ба самъи ҳозирин расонд.
Бахтиёр Раҳматзода, менеҷери ҶСК «Шабакаҳои тақсимоти барқ» ва Мунзифа Ҷабборӣ, раиси кумиҷроияи ҲХДТ дар шаҳри Хуҷанд низ баромад намуда, барқчиёнро бо иди касбиашон табрику таҳният намуданд.
Таъкид гардид, ки Ҳукумати мамлакат бо мақсади расидан ба истиқлоли энергетикӣ ва дар ин замина таъмин намудани рушди устувори иқтисоди миллӣ бо истифода аз ҳамаи имконияту сарчашмаҳои мавҷуда, хусусан, манбаъҳои рушди «энергияи сабз» мунтазам чораҷӯйӣ карда истодааст.
Дар солҳои гузашта, яъне то ҷорӣ намудани технологияҳои муосири ҳисоб ва пардохти неруи барқ – низоми рақамии биллингӣ дар ҳисоботи шабакаҳои барқ 30 – 40 фоизи аҳолӣ ҳаққи истифодаи неруи барқро пардохт намекард.
Баъд аз ҷорӣ шудани низоми нави биллингӣ 100 фоизи аҳолӣ ҳамчун пурра пардохткунандаи ҳаққи истифодаи неруи барқ ба ҳисоб гирифта мешавад.
Талафоти неруи барқ дар кишвар дар 11 моҳи соли ҷорӣ 3 миллиард киловатт – соатро ташкил карда, нисбат ба ҳамин давраи соли гузашта 500 миллион киловатт – соат кам шудааст.
Дар ин муддат беш аз 100 ҳазор муштариёни нав ба қайд гирифта шуда, ба низоми энергетикӣ якуним миллиард сомонӣ маблағ ворид гардидааст.
Таъкид шуд, ки энергетика заруртарин омили рушди истеҳсолот ва муҳимтарин воситаи суботи иқтисодию иҷтимоӣ маҳсуб мешавад, ки бидуни он пешрафти ягон соҳаи хоҷагии халқ, беҳдошти ҳаёти иҷтимоӣ ва рӯзгори ободу осудаи мардумро тасаввур кардан амри маҳол аст. Аз ин хотир масъулияти кормандони ин соҳаи воқеан ҳаётофар дар мавриди таъмини зиндагии хушу гуворои халқ, равшании ҳар хонадон, ободонию чароғонкунии кӯчаю маҳалла ва шаҳру диёр, равнақи ҳамаи соҳаҳои истеҳсолию ғайриистеҳсолӣ бағоят бузург аст.
Сипас ба як қатор пешсафони соҳа Сипоснома ва тӯҳфаҳои хотиравӣ тақдим карда шуд.
Дафтари матбуоти
Раиси шаҳри Хуҷанд
