Хуҷанд: Даври шаҳрии озмуни ҷумҳуриявии “Ҳунарманди сол” баргузор шуд

Дар озмун аҳли ҳунари 22 маҳаллаҳои шаҳри Хуҷанд иштироки фаъолона намуда, маҳсули ҳунари хешро манзури иштирокчиёни озмун гардониданд. Озмун аз рӯйи чор шарт сурат гирифта, беҳтаринҳо муайян шуданд. Ҳамин тавр, дар номинатсияи “Адрасбофӣ” Мухбира Воҳидова, Назокат Ҳоҷиева ва Мушарраф Турсунова мақомҳои ифтихориро ба даст оварданд. Дар номинаи “Беҳтарин ҳунари чакандӯзӣ” Муҳаббат Раҳмонова, Мавҷуда Набиева ва Нигора Сатторова ғолиб дониста шуданд. Уктам Қобилов ва Мубинҷон Темуров “Беҳтарин кордсозон” эътироф шуданд. Дар номинаи “Беҳтарин ҳунари кулолгарӣ” Хайрулло Баротов ва Абдумалик Азимов ғолиб дониста шуданд. Дар номинатсияи “Беҳтарин ҳуанри нонпазӣ” Зарифбой Собиров, Муҳаммад Ҳоҷибоев ва Маркази таълимии шаҳри Хуҷанд мақомҳои ифтихориро соҳиб шуданд. Ба ғолибон диплом ва туҳфаҳои хотиравӣ тақдим карда шуд. Таъкид гардид, ки баргузории чунин озмунҳо ба эҳё, ҳифз, тараққӣ додан, рушди мероси фарҳангӣ, санъати ҳунармандӣ, тамаддун, мероси миллӣ ва ба ин васила ба раванди эҷодиёти халқ мусоидат хоҳад намуд.