15 Ноябр 2025
Дар кӯдакистони №20-и шаҳри Хуҷанд ба ифтихори Рӯзи Президенти Ҷумҳурии Тоҷикистон маҳфили идона таҳти унвони "Пешвои мо-ифтихори мо" баргузор шуд.
Дӯстрӯякон бо раҳнамоии муррабиёни хеш дар васфи Пешвои миллат муҳтарам Эмомалӣ Раҳмон шеъру гуфтору ва сурудҳои ҷолиб иҷро намуданд.
Таъкид шуд, ки имрӯз номи Пешвои миллат ҳамчун рамзи сулҳ, ваҳдат ва эҳёи давлати тоҷикон дар саҳифаҳои таърих бо ҳарфҳои заррин сабт гардидааст. Муҳтарам Эмомалӣ Раҳмон роҳнамои роҳи дурусту равшан буда, миллати моро ба сӯйи фардои дурахшон мебаранд. Зери парчами ваҳдату истиқлол халқи тоҷик бо иттиҳоду ҳамбастагӣ ба сӯи ҷомеаи адолатпарвару пешрафта қадам мегузорад.
Ҳар фарзанди Тоҷикистон имрӯз ифтихор дорад, ки чунин Пешво, чунин роҳнамо ва муҳофизи давлату миллат дорад. Сухану амал, сиёсати дохиливу хориҷӣ, дидгоҳи хирадмандонаи Эмомалӣ Раҳмон барои ҳар тоҷики ҷаҳон сабақи ватандӯстӣ, инсондӯстӣ ва садоқат ба ормонҳои миллӣ мебошад. Пешвои миллат барои ҳар шаҳрванди мамлакат намунаи инсонеянд, ки аз муҳаббат ба Ватан ва масъулият ба сарнавишти миллат неру мегиранд. Бо кору пайкорашон руҳи худшиносӣ, ифтихори миллӣ ва эҳсоси якпорчагии давлат дар дилу ҷони мардум бедор мегардад.
Имрӯз мардуми тоҷик бо ифтихору боварӣ ба ояндаи худ менигаранд. Ин итминон аз он аст, ки Тоҷикистон зери роҳбарии Пешвои миллат муҳтарам Эмомалӣ Раҳмон бо қадамҳои устувор ба сӯи рушду камол ва ободию пешрафт пеш меравад. Ҳар дастоварди давлат — самари заҳматҳои шабонарӯзӣ, кордонию ҷасорати сиёсӣ ва меҳри беандозаи Пешво ба миллат мебошад.
Дафтари матбуоти
Раиси шаҳри Хуҷанд
