11 Ноябр 2025
Дар шаҳри Хуҷанд бо иштироки кормандони мақомоти корҳои дохила ва собиқадорони соҳа Рӯзи милитсияи тоҷик таҷлил карда шуд.
Раиси шаҳри Хуҷанд Фирдавс Шарифзода кормнадони мақомоти милитсияро бо Иди касбиашон табрику таҳният гуфта, аз ҷумла афзуд, ки мақомоти милитсияи тоҷик аз рўзҳои аввали ба даст овардани Истиқлоли давлатии ҷумҳурӣ сарфи назар аз мушкилоту монеаҳои зиёд, якҷо бо дигар мақомоту сохтори низомӣ аз ўҳдаи иҷрои масъулияти басо муҳиму душвор - барқарор кардани сохти конститутсионии давлат, тартиботи ҳуқуқӣ ва волоияти қонун сарбаландона баромад.
Асосгузори сулҳу ваҳдати миллӣ – Пешвои миллат, Президенти кишвар мўҳтарам Эмомалӣ Раҳмон дар яке аз суханрониҳои худ қайд намудаанд, ки «…Рушди бомароми иқтисодиву иҷтимоӣ ва зиндагии орому осудаи мардуми кишвар дар навбати аввал, аз вазъи риояи қонунҳо, волоияти қонун, тартиботи ҳуқуқӣ ва таъмини амнияту суботи ҷомеа вобастагии мустақим дорад. Халқи кишвар ба фаъолияти давлат мувофиқи рафтору кирдори кормандони мақомоти ҳифзи ҳуқуқ, садоқати онҳо ба давлату миллат, поквиҷдонӣ, сатҳи касбиву салоҳият ва маърифатнокиашон баҳо медиҳад».
Имрўз бо қатъияти том метавон гуфт, ки кормандони мақомоти корҳои дохилии шаҳри Хуҷанд ҳамчун як шохаи муҳими Вазорати корҳои дохилии Ҷумҳурии Тоҷикистон тамоми донишу малака ва таҷрибаи хешро баҳри оромиву осудагии халқ, амну субот, тартиботи ҷамъиятӣ ба кор мебаранд ва сулҳу оромиро дар шаҳр пойдор месозанд. Давлату ҳукумат, мардуми санҷидакор заҳматҳои шаборўзии кормандони имрўза ва собиқадорони милитсияро қадр мекунанд ва ҳаргиз фаромўш намесозанд, зеро онҳо ҷон рўи каф гирифта, осоиштагии мардумро таъмин менамоянд.
Сипас ба як қатор пешсафони соҳа ва собиқадорон туӯфаҳои хотиравии Мақомоти иҷроияи ҳокимияти давлатии шаҳри Хуҷанд тақдим карда шуд.
Барномаи ватандӯстонаи фарҳангӣ ба чорабинии тантанавӣ ҳусни анҷом бахшид.
Дафтари матбуоти
Раиси шаҳри Хуҷанд
