12 Август 2025
Недоступен ни однин перевод.
Бо мақсади амалӣ намудани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон, ки дар ҷаласаи васеи Кумитаи Иҷроияи Марказии ҲХДТ, санаи 17-уми июли соли 2025 баён гардида буд ва дар доираи сафари кории муовини Раиси ҲХДТ Умеда Абдуллозода ба вилояти Суғд тариқи усули «Маҳалла ба маҳалла» бо сокинони кумитаи маҳаллаҳои «1-Май», “Сари баландӣ” ва «Ҷаббор Расулов»-и шаҳри Хуҷанд вохӯрӣ баргузор шуд.
Дар вохӯрӣ Умеда Абдуллозода – муовини Раиси Ҳизби Халқии Демократии Тоҷикистон, Ҷаҳонгир Салимзода – раиси Кумитаи иҷроияи ҲХДТ дар вилояти Суғд, Ҷамшед Набизода – муовини Раиси шаҳри Хуҷанд ва Мунзифа Ҷабборӣ – раиси кумитаи иҷроияи ҲХДТ дар шаҳри Хуҷанд иштирок ва суханронӣ намуданд.
Нахуст, Ҷамшед Набизода меҳмононро ба шаҳри бостонии Хуҷанд хайрамақдам гуфта, аҳамияти баргузории чунин мулоқотҳоро дар самти фаҳмондадиҳӣ, баланд бардоштани маърифати сиёсӣ ва иҷтимоии шаҳрвандон таъкид намуд.
Сипас, Умеда Абдуллозода зимни суханронии худ изҳор дошт, ки Ҳизби Халқии Демократии Тоҷикистон ҳамчун нерӯи созандаву пешбарандаи ҷомеа, ба тарғиби арзишҳои миллӣ, таҳкими ваҳдати миллӣ ва тарбияи ҷавонон дар рӯҳияи ватандӯстӣ диққати махсус медиҳад.
Мавсуф зикр намуд, ки фароҳам овардани шароити мусоид барои рушду такомули шахсияти ҳар як сокини мамлакат, хоса насли ҷавон, яке аз самтҳои афзалиятноки фаъолияти ҲХДТ маҳсуб меёбад. Ба таъкиди ӯ, баланд бардоштани сатҳи маърифати сиёсию ҳуқуқии ҷавонон ва таҳкими ҳисси масъулияти шаҳрвандии онҳо метавонад воситаи муассир барои пешгирии шомилшавии ҷавонон ба гурӯҳҳои ифротгаро ва хатарнок гардад.
Ҷаҳонгир Салимзода зимни баромад зикр кард, ки ғамхориҳои пайвастаи давлату Ҳукумат таҳти роҳбарии хирадмандонаи Пешвои миллат муҳтарам Эмомалӣ Раҳмон шароити мусоидро барои таълим, рушди зеҳнӣ ва ҷисмонии ҷавонон, фароҳам овардани ҷойҳои корӣ ва дастгирии иқдомҳои созандаи онҳо муҳайё намудаанд. Ба гуфтаи ӯ, имрӯз ҷавонон имконият доранд, ки дар фазои орому суботноки кишвар омӯзанд, кор кунанд, соҳибкасб шаванд ва дар рушди ҷомеа саҳми арзанда гузоранд.
Дар анҷоми мулоқот, сокинон саволҳо ва пешниҳодҳои худро матраҳ намуда, ҷавобҳои муфассал ва қонеъкунанда дарёфт карданд.
Дафтари матбуоти
Раиси шаҳри Хуҷанд
