Номаи табрикотии Раиси шаҳри Хуҷанд Фирдавс Шарифзода ба муносибати Рўзи ваҳдати миллӣ

Аз ин рў, ҳар фарде, ки худро фарзанди Тоҷикистон медонад ва қадру манзалати Тоҷикистонро азиз мешуморад, бояд ба ин дастовард ҳамеша эҳтиром гузорад ва таҳкими ваҳдати миллиро рисолати шаҳрвандиву қарзи фарзандӣ дониста, ба халалдор гардидани он ҳаргиз роҳ надиҳад».

Инак, мо дар арафаи ҷашни муқаддас, яъне 28-солагии рўзи имзои Созишномаи умумии истиқрори сулҳ ва ризоияти миллӣ дар Ҷумҳурии Тоҷикистон қарор дорем. Бешак, барои миллати тоҷик Рўзи ваҳдати миллӣ санаи муҳими таърихӣ маҳсуб меёбад ва бо гузашти солҳо арзиши он бештар мегардад, зеро дар айёми бурхўрди тамаддунҳо, ҷаҳонишавии босуръат, ҷангу низоъу терроризм, фақат бо ҳамдиливу сулҳхоҳӣ, ватандориву садоқати самимӣ ба Ватани маҳбуб – Тоҷикистони азиз, мо метавонем ваҳдати миллии хешро мустаҳкаму қавӣ гардонем ва ба наслҳои оянда онро расонем. Дар партави сиёсати ваҳдатоину ояндаандеши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мўҳтарам Эмомалӣ Раҳмон кишвари мо дар роҳи рушду тараққиёти бонизом қарор дорад.

Ваҳдати миллӣ афроди миллатро муттаҳиду нерўҳои зеҳниву ҷисмонии онҳоро барои ҳифзи манфиатҳои миллӣ ва расидан ба ҳадафҳои умумӣ мутамарказ карда, миллатро ҳамчун низоми иҷтимоӣ ва сиёсӣ ташаккул медиҳад.

Воқеан ҳам, ин ҳуҷҷат сарчашмаи сулҳу ягонагӣ, ваҳдату якдилӣ ва ҳамдигарфаҳмию рафоқати мардуми тоҷик ба ҳисоб меравад. Рўзи ба имзо расидани Созишномаи умумии истиқрори сулҳ ва ризоияти миллӣ воқеан ҳам, санаи тақдирсоз ва саодатофарин, оғози созандагиҳои бузург дар Тоҷикистони навин аст.

Барои мо ифтихори бузург аст, ки сулҳи тоҷикон ҳанўз ҳам дар ҷомеаи ҷаҳонӣ мояи омўзиш қарор дорад ва кишварҳои ҷаҳон аз ин сабақи таърихии тоҷикон пайравӣ мекунанд.

Шаҳри бостонии Хуҷанд дар партави сиёсати пешгирифтаи Асосгузори сулҳу ваҳдати миллӣ – Пешвои миллат, Президенти кишвар мўҳтарам Эмомалӣ Раҳмон ва нишондодҳои Раиси вилояти Суғд Раҷаб Аҳмадзода сол аз сол рушду нумўъ дорад.

Бунёди корхонаву муассисаҳои саноатӣ, гулгашту хиёбон, иншооти таъйиноташ гуногун, биноҳои маъмуриву истиқоматӣ ҳама бозгўи онанд, ки Ватани мо ба ҳадафҳои пешгузоштаи хеш ноил гардида, ба мардум зина ба зина зиндагии шоиста муҳайё шуда истодааст.

Мо минбаъд низ, дар ҳамбастагию шукргузорӣ аз Ватани соҳибистиқлол, аз ин неъмати бузург – сулҳи бебозгашти тоҷикон, аз ваҳдати милли-амон, хонаи умумии тоҷикони ҷаҳон – Тоҷикис-тонро бо меҳнати сидқидилонаву садоқати бепоён ҳифз мекунем, тамоми нерўи хешро ба он равона месозем, ки Тоҷикистон дар арсаи ҷаҳон мавқеи худро боз ҳам устувор гардонад.

Ваҳдати миллӣ ва Истиқлоли Тоҷикистон ду шохаи як дарахти бузурги Тоҷикистонанд ва хуҷандиён барои сазовор ҷашн гирифтани Рўзи ваҳдати миллӣ ва истиқболи шоистаи 35-солагии Истиқлоли давлатии Ҷумҳурии Тоҷикистон тамоми саъю талоши хешро равона месозанд. Мафҳумҳои Истиқлолият, Тоҷикистони обод, сулҳу оромӣ, ваҳдати миллӣ барои ҳар фарди тоҷик муқаддасу гиромӣ аст ва онро барои насли нав нигоҳ доштан, вазифаи виҷдонии ҳар нафари фардосоз аст.

Бори дигар, кулли ҳамватанон, хуҷандиёни азизро бо ифтихору шодмонӣ бо ин санаи фархунда – Рўзи ваҳдати миллӣ шодбод мегўям. Бигузор, фарзандони миллат зери осмони софу беғубор умр ба сар баранд, сулҳу субот дар кишвар пойдор монад ва ваҳдату ҳамдилии тоҷикон ҷовидон бошад.

Иди ваҳдати миллӣ муборак, сокинони сарбаланди Хуҷандшаҳр!