04 Июн 2025
Субҳи имрӯз Раиси шаҳри Хуҷанд Фирдавс Шарифзода ба манзили Корманди шоистаи Тоҷикистон, Шаҳрванди фахрии шаҳри Хуҷанд собиқадори соҳаи меъморӣ ва шаҳрсозӣ Музаффар Юнусов рафта, эшонро бо фаъолияти меҳнатии 50 сола ва умри бобаракати 70 солагиаш табрику таҳният гуфта, сӯҳбати самимӣ анҷом дод.
Шаҳрдор Фирдавс Шарифзода аз хизмати бисёрсолаи меъмори номдори кишвар Музаффар Юнусов ёдоварӣ намуда, аз ҷумла таъкид дошт, ки мавсуф ҳамчун мутахасиси касбӣ дар рушди шаҳрсозии шаҳри Хуҷанд нақши мондагор гузоштааст.
Музаффар Юнусов ҳамчун муаллифи лоиҳа, сармеъмори лоиҳаи садҳо иншоот аз ҷумла: - Азнавсозии кӯчаи марказии Исмоили Сомонӣ то кӯчаи Камоли Хуҷандӣ,нақшаи генералии шаҳри Темурмалик барои 42000 нафар аҳолӣ, лоиҳаи азнавсозии Велотреки шаҳр бо нишастгоҳ барои 5000 нафар тамошобин якҷоя бо академик Рожин И. Е. ва дотсеенти МАРхи Содиқов М. М., Маҷмаъаи ҳунармандони Меҳргон дар кӯчаи Исмоили Сомонӣ, Асосноккунии илмӣ ва консепсияи нигоҳ доштан ва азнавсозии қисмати таърихии шаҳри Хучанд якҷоя бо мутахассисони институти лоиҳакашии Средаз НИИТАГ-и шаҳри Тошканд, Хонакохи асосии масчиди чомеъи марказии Шайх Маслиҳатдин Бадеъуддин Нурии Хуҷандӣ, Муҷассамаи Нишони давлатй-Нишони Тоҷикистон дар шаҳри Хуҷанд ва садҳо иншооти дигар дар миқёси мамлакат ва хориҷи он мебошад.
Меъморӣ ва сохтмон барои ҷомеаи муосири Тоҷикистон аҳамияти бузург дошта, на танҳо ба намуди зоҳирии шаҳрҳо ва маҳалҳои аҳолинишин зебоӣ, шукӯҳ ва рангорангӣ зам мекунанд, балки ба дилҳо сурур ва ба ҳаёт инсонро дилгарм месозад, ки ин дар ин радиф нақши марди хирад Музаффар Юнусов мондагор аст.
Фирдавс Шарифзода гуфт, ки имрӯз меъморони ҷавон муҳтоҷи маслиҳату машварат ва раҳнамоиҳои устоди хеш Музаффар Юнусов мебошанд ва изҳори боварӣ карда шуд, ки мавсуф дар оянда низ дар рушду нумуъи шаҳрсозии Хуҷанд саҳми бориз мегузоранд.
Корманди шоистаи Тоҷикистон, Шаҳрванди фахрии шаҳри Хуҷанд, устоду раҳнамои садҳо меъморон, собиқадори соҳаи меъморӣ ва шаҳрсозӣ Музаффар Юнусов аз иқдому ташаббуси шаҳрдорӣ болида гардида, ба Пешвои миллат муҳтарам Эмомалӣ Раҳмон барои таваҷҷуҳ ва эҳтимомашон ба собиқадорони меҳнат арзи миннатдорӣ намуд.
Дафтари матбуоти
Раиси шаҳри Хуҷанд
