Номаи табрикотии Раиси шаҳри Хуҷанд Фирдавс Шарифзодаро ба муносибати Рӯзи матбуоти тоҷик аз ҷониби муовини Раиси шаҳри Хуҷанд Ҷамшед Набизода ироа намуд, ки дар он аз ҷумла зикр мешавад: “Дар ҳақиқат Воситаҳои ахбори омма – рўзномаву нашрия, маҷаллаву китоб, телевизиону радио, шабакаҳои гуногуни иттилоотии Интернет имрўз беш аз ҳама чун расонандаи маълумоти навтарин ба мардум аз рўйдодҳои шаҳру кишвар ва олам муҳимият доранд ва хидмати шоиста низ ба ҷо оварда истодаанд. Дар шароити имрӯзаи ҷаҳони иттилоотӣ нақши журналистон хеле равшан ва муассир шудааст. Зеро аз кору фаъолияти шумоён бисёр чиз вобастагӣ дорад. Шумоён дар пур кардани фазои иттилоотӣ саҳм мегузоред.

Дар яке аз суханрониҳои хеш Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон мўҳтарам Эмомалӣ Раҳмон изҳор доштанд, ки “Нури маърифате, ки аз равзанаи матбуот зиёиёни миллат рўшан карда буданд, то ба имрўз дилу дидаи ҳазоронро мунаввар месозад”. Яъне, ба таъбири шоири миллат Мирзо Турсунзода “Рўзнома ҳам оинаи ҳаёт ва ҳам майдони тохти қалам аст”. Тариқи расонаҳои хабарӣ шоирону нависандагон, рўзноманигорон ва зиёиён бо мардум иртиботи қавӣ доранд ва ононро ба фардои дурахшон роҳнамоӣ мекунанд”.

Изҳори умедворӣ карда шуд, ки рўзноманигорон дар тарғиби сиёсати пешгирифтаи Ҳукумати мамлакат, хосатан, ғояҳои дурандешона ва ояндабинонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мўҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода саҳм мегузоранд.

Сипас ба як қатор журналистони фаъол Сипоснома ва туҳфаҳои хотиравӣ тақдим карда шуд.