14 Декабрь 2024
Недоступен ни однин перевод.
Имрӯз аз ҷониби Раиси вилояти Суғд Раҷаббой Аҳмадзода ва Раиси шаҳри Хуҷанд Фирдавс Шарифзода ба сохтмони Маҷмааи биноҳои бисёрошёна дар хиёбони Раҳмон Набиеви шаҳри Хуҷанд санги асос гузошта шуд.
Иттилоъ дода шуд, ки ин Маҷмаа аз ҷониби Консорсиуми соҳибкорони тоҷику турк бо ҷалби сармояи хориҷӣ ва мутахасисони хориҷӣ, бо истифода аз технологияи муосири сохтмон амалӣ карда мешавад.
Хусусияти хоси лоиҳа дар он аст, ки ҳангоми тарҳрезии Маҷмаа тамоми шароити мусоид барои сокинони он ба инобат гирифта мешавад, аз ҷумла ҳавзи шиноварии пӯшида, ҳаммом, ҳаммоми туркӣ, толори фитнес, таваққуфгоҳи пӯшида, боғчаи кӯдакона, майдончаҳои кӯдакона, мавзеи фароғати калонсолон ва ҷойи истироҳати калонсолон пешбинӣ шудааст.
Маҷмааи биноҳои баландошёна дар бо болохона( пентхаус) дар хиёбони Раҳмон Набиев, кӯчаҳои Гулшан ва Муродии Хуҷандӣ сохта мешавад. Фармоишгари лоиҳа ҶДММ “Фортуна-КО” ва пудратчӣ “ҶДММ “Арча-иншоот” мебошад. Лоиҳакаши иншоот ҶДММ “Меъморӣ ва дизайн”, оғози корҳои сохтмонӣ моҳи декабри соли равон ва анҷоми корҳои сохтмонӣ декабри соли 2030 ба нақша гирифта шудааст. Дар Маҷмаа хонаҳои 1, 2, 3, 4 ва 5 ҳуҷрагӣ бо масоҳати аз 50 метри мураббаъ то 330 метри мураббаъ сохта мешаванд. Масоҳати умумии лоиҳа 18000, 00 метри мурабаъро ташкил медиҳад. Шумораи манзилҳои истиқоматӣ 650 ададро ташкил медиҳад. Таваққуфгоҳ дуқабата буда, барои 400 нақлиёти сабукрав пешбинӣ шудааст. Дар Маҷмаа аз 50 нафар то 300 нафар сохтмончиён ба кор ҷалб карда мешаванд.
Раиси вилояти Суғд Раҷаббой Аҳмадзода ин иқдоми соҳибкорони ватаниро амали нек ва ояндабина арзёбӣ намуда, онро шаҳодати амну осоиштагӣ ва ободии Ватан унвон намуд.
Ба сохтмончиён дастур дода шуд, ки бо истифода аз масолеҳи ватанӣ, унсурҳои меъмории миллӣ ва бо сифати баланд корҳои сохтмонии Маҷмаа анҷом дода шавад.
Дафтари матбуоти
Раиси шаҳри Хуҷанд