Хуҷанд: Аксияи "Тозагии соҳил" ва озмуни "Бозиҳои тоза" гузаронида шуд

Ба аксияи мазкур беш аз 200 нафар кормандони касбу кори гуногун, донишҷўён ва масъулини соҳаи ободонӣ ҷалб карда шуданд.

Ҳашарчиён аз канори дарё алафҳои худрўйи соҳил, партовҳои истеъмолии пластикию полиэтиленӣ ба пуррагӣ тоза намуда, баҳри мунаввар ва боз ҳам зебо шудани дарёи Сир мусоидат намуданд.

Таъкид шуд, ки бояд шаҳрвандон дарк намоянд, ки дар ҳама ҳолат муҳимтарин вазифаи инсоният- ин ҳифзи муҳити зист ба ҳисоб меравад, зеро мо ҳамарўза аз ҳавои тоза нафас мекашем, ҳавои ғализ ва чиркин ба саломатии мо хавф эҷод намуда, ба бемориҳои гуногун оварда мерасонад.

Дар доираи аксия ҳамзамон бо иқдоми Сарраёсати ҳифзи муҳити зист дар вилояти Суғд ва шуъбаи ҳифзи муҳити зисти шаҳри Хуҷанд мусобиқаи экологии «Бозиҳои тоза» бо иштироки 550 нафар донишҷӯёни муассисаҳои таълимии Донишгоҳи давлатии Хуҷанд ба номи академик Бобоҷон Ғафуров, литсеи касбӣ-политехникии №44, литсеи касбӣ-хизматӣ ва саёҳии №56, литсеи касбӣ-техникии №31 ва Донишгоҳи давлатии ҳуқуқ бизнес ва сиёсати Тоҷикистон гузаронида шуд. Зимни баргузории мусобиқа беш аз 450 кило партов ҷамъоварӣ карда шуд. Ғолибон бо сипоснома ва туҳфаҳои хотиравӣ қадршиносӣ гардиданд.