Маҳфили рӯзгордорӣ ва фарҳанги дастархонороии тоҷикон

Дар чорабинӣ муовини Раиси шаҳри Хуҷанд Муяссара Қаҳҳорӣ, Шаҳрванди фахрии шаҳри Хуҷанд Сайрам Исоева, бонувони фаъоли бознишаста ва дигарон иштирок намуда, иброз доштанд, ки «занони тоҷик аз қадим кадбонуҳои соҳибзавқ буданд.Онҳо хеҷ гоҳ вақти худро беҳуда сарф намекарданд. Ба ғайр аз тарбияи фарзанд, занону духтарон ба гулдӯзӣ, гилембофӣ, атласу адрасбофӣ, кулолгарӣ, сабадбофӣ ва дигар ҳунарҳо шуғл варзида, осори дастони гулофарашон хонаю дарашонро оро медод. Онҳо маърифати баланди хонадорӣ дошта, ба духтарони худ ҳатман ҳунар меомӯхтанд».

Таъкид шуд, ки бо ташаббус ва дастгириҳои Пешвои миллат муҳтарам Эмомалӣ Раҳмон ҳунарҳои мардумӣ дар Тоҷикистон рушд намуда, эълон гардидани соли 2018 Соли рушди сайёҳӣ ва ҳунарҳои мардумӣ, солҳои 2019-2021- Солҳои рушди деҳот, сайёҳӣ ва ҳунарҳои мардумӣ ва солҳои 2022-2026 -Солҳои рушди саноат, қабул гардидани «Барномаи рушди ҳунармандӣ дар Ҷумҳурии Тоҷикистон барои солҳои 2021-2025, инчунин аз пардохти андоз аз маҳсулоти дар хона истеҳсолшуда озод кардани ҳунармандон натиҷаи сиёсати хирадмандонаи Сарвари давлат мебошанд, ки маҳз дар натиҷаи татбиқ ва амалӣ намудани қонуну барномаҳои қабулгардида шумораи косибону ҳунармандон дар миқёси мамлакат сол то сол зиёд мешавад.

Ҳофизони мумтоз Каромат Ҳоҷиева, Аловиддин ва Ҳилолиддин Шамсиевҳо, Субҳиддини Раҷабзод ва дигарон бо сурудҳои баландмазмуни хеш табъи ҳозиринро болида намуданд.

Ҳамчунин ҷараёни маҳфил аз ҷониби гуруҳи эҷодии телевизиони "Суғд" наворбардорӣ гардид, ки рӯзномаи наздик дар шакли барнома пешкаши тамошобинон мегардад.