12 Июн 2024
Субҳи имрўз дар толори Мақомоти иҷроияи ҳокимияти давлатии шаҳри Хуҷанд таҳти роҳбарии Раиси шаҳр Фирдавс Шарифзода бо иштироки муовини аввал, муовинони Раиси шаҳр, роҳбари дастгоҳи Раиси шаҳр, мудирони шўъбаю бахшҳо, роҳбарони сохторҳои мақомоти иҷроияи ҳокимияти давлатии шаҳри Хуҷанд, сохторҳои корхонаи воҳиди давлатии коммуналии «Сарраёсати ободонӣ ва хоҷагии манзилию коммуналӣ»-и шаҳр, раисони маҳаллаҳо ҷаласаи васеи шаҳрдорӣ баргузор гардид.
Фирдавс Шарифзода нахуст таваҷҷуҳи иштирокдорони ҷаласаро оид ба натиҷаҳои рушди иқтисодию иҷтимоии шаҳр дар 5- моҳи соли ҷорӣ ҷалб намуда, аз ҷумла таъкид дошт, ки дар ин давра бо ҳидояту дастгириҳои бевоситаи Асосгузори сулҳу ваҳдати миллӣ - Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон дар тамоми соҳаҳои хоҷагии халқи шаҳр амалигардонии дигаргунсозиҳо ва фароҳам овардани як силсила корҳои назарраси созандагӣ роҳандозӣ шуда истодааст.
Натиҷаҳои пурмаҳсули саноатикунонии босуръат имконият дод, ки аз ҷониби корхонаҳои калону хурд 760,8 млн. сомонӣ маҳсулот истеҳсол гардид. Ин нишондиҳанда дар муқоиса бо ҳамин давраи соли сипаригашта 21,6 дар сад ё 138,9 млн. сомонӣ зиёд шудааст. Аз миқдори умумии маҳсулотҳои истеҳсолгашта 152,1 млн. сомонӣ ба хориҷи кишвар содир шуда, аз ҷониби 105 корхонаҳо маҳсулотҳои воридотивазкунанда ба маблаѓи 332,1 млн. сомонӣ истеҳсол карданд, ки ин нишондиҳанда 23,3 дар сад ё 27,7 млн. сомонӣ афзоиш ёфтааст.
Дар раванди рушду инкишофи ин соҳа бо ҷалби зиёда аз 36,0 млн. сомонӣ сармояҳо, 24 адад корхонаҳои нави истеҳсолии хурд таъсис дода шудааст.
Мавриди тазаккур аст, ки бо мақсади пешвози ҷашни 35-солагии Истиқлоли давлатии Ҷумҳурии Тоҷикистон дар ҳудуди шаҳри Хуҷанд, дар панҷ соли минбаъда сохтмон, азнавсозӣ ва таъмиру таҷдиди 950 иншоотҳои ҳаётан муҳим ба нақша гирифта шуда, то имрўз 486 адад ё 51,2 фоизи онҳо бунёд карда шудааст. Аз миқдори умумии иншооти бунёдшуда, 80 адади он ба панҷ моҳи соли ҷорӣ рост меояд.
Дар ҷараёни машварат Раиси шаҳр Фирдавс Шарифзода ба муовини аввал, муовинони Раиси шаҳри Хуҷанд, масъулини кўчаву хиёбонҳо ва раисони маҳаллаҳо дастур дод, ки корҳои ободонӣ, бунёдкорӣ, созандагиро вусъат бахшида, баҳри рушди тамоми самтҳои хоҷагии халқи шаҳр мусоидат намоянд.
Ҳамзамон масъулин ҷиҳати вусъат додани сабзкорӣ, рангубори биноҳои баландошёнаа, мумфаршкунии роҳҳо, тоза намудани ҷӯйборҳо, саривақт гирифтани партов, роҳандозии кори муназзами хадамоти коммуналӣ ва ғайраҳо вазифагузорӣ карда шуданд.
Дар ҷаласа оид ба рафти иҷрои қарори Раиси шаҳри Хуҷанд аз 01 майи соли 2024, №227 «Дар бораи сари вақт омода намудани соҳаҳои иқтисодиёт ва иҷтимоиёти шаҳр барои фаъолияти мунтазам ва самарабахш дар давраи тирамоҳу зимистони солҳои 2024-2025» низ ҳисобот шунида шуд ва тамоми масъулини дахлдор аз ҷониби раиси шаҳр ҷиҳати иҷрои қарори зикршуда вазифадор гардиданд.
Дар поёни машварат Раиси шаҳри Хуҷанд Фирдавс Шарифзода аз ҳозирин даъват ба амал овард, ки ҷиҳати дастгирию аёдати ятимону камбизоатон, барҷомондагон, эҳтёҷмандон дара арафаи талили Иди Қурбон тадбирҳои фаврӣ андешида шавад. Ҳамзамон супоришҳо оид ба баҳри пешгирӣ аз зиёдаравӣ, риояи қонунгузории танзим ва мубориза алайҳи бегонапарастӣ дода шуд.
Дафтари матбуоти
Раиси шаҳри Хуҷанд
