20 Май 2024
Недоступен ни однин перевод.
Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ба истиқболи 35-солагии Истиқлоли давлатии Ҷумҳурии Тоҷикистон дар шаҳри Хуҷанд корҳои ободониву созандагӣ вусъат меёбад.
Дар доираи бунёдкориҳо соҳили дарёи Сир, аз назди пули "Ҷашнӣ" то Кохи фарҳанги "Суғдиён" тибқи лоиҳаи махсус ба яке аз ҷойҳои зеботарини маркази вилоят табдил хоҳад ёфт.
Раиси вилояти Суғд Раҷаббой Аҳмадзода аснои боздид аз соҳили Сирдарё иттилоъ дод, ки аз ҷониби меъморон ва лоиҳакашон лоиҳа таҳия шуда истодааст. Дар ин мавзеъ иншооти замонавии тандурустӣ ва солимгардонӣ, ҷойҳои истироҳативу фароғатӣ барои сокинон бунёд карда мешавад.
Ба меъморону лоиҳакашон ҷиҳати таҳияи тарҳи мукаммал, ба масъулини ҳифзи муҳити зист ва сардухтурони муассисаҳои тиббӣ барои тозаву озода нигоҳ доштани соҳили дарё, атрофи муассисаҳои тандурустӣ супоришҳо дода шуд.
Таъкид гардид, ки бояд ба тозагии муҳити зист таваҷҷуҳи зарурӣ зоҳир намуда, корҳои тарғиботиву ташвиқотӣ бурда шавад, то дар баробари ташкилоту идораҳо сокинон низ масъулият эҳсос намоянд.
