ВОКУНИШ ба маводи интишоршуда дар шабакаҳои иҷтимоӣ бо номи «Медицина должна лечить, а не калечить!»
21 Октябр 2021
Санаи 14 октябри соли 2021 тақрибан соати 14:30 ба духтури тибби оилавии Маркази саломатии шаҳрии №4-и шаҳри Хуҷанд утоқи кории №16 Файзиева Саноат ва ҳамшираи тибби оилавӣ Одинаева Фархунда шаҳрванд, ки ному насаби худро муаррифӣ накарда, барои қабули фарзандаш Карими Ризвон муроҷиат мекунад.
Аз тарафи духтури тибби оилавӣ Файзиева С. барои муайян намудани духтури вобаста шуда пурсида шуд. Аз ҷониби шаҳрванд баён карда шуд, ки ман доимо ба утоқи 15 муроҷиат менамудам. Дар асл шаҳрванд суроғаи ҷои зисти худро аввал маҳаллаи 34 ва баъд маҳаллаи 33 шубҳанок ҷавоб медиҳад. Баъд аз тарафи ҳамшираи тибби оилавӣ, ки ба маҳаллаи 32 вобаста аст картаи амбулатории шакли 024-и кўдак дарёфт шуда, пешкаш мегардад. То вақти дарёфт намудани картаи амбулатории шакли 024-и кўдак аз тарафи шаҳрванд ба коркунони тиб суханҳои қабеҳ ва ниҳоят паст, ки дар ҳақи зан гуфта намешавад баён карда мешавад. Дар ин ҳолат аз тарафи ёрдамчии духтур Одинаева Ф. таъкид карда мешавад, ки инҳо аз синну сол аз мо калон, муошират ва муносибати дуруст намоед. Шаҳрванд бошад баъди ин суханҳо яку якбора хеста фарзандашро ба замин гузошта аз мўи сари ҳамшира Одинаева Ф. қапида якчанд маротиба ба девор мезанад. Ҳангоми баланд шудани овоз аз дигар утоқи корӣ ҳамшираҳо огоҳ шуда барои ҷудо намудан дахолат мекунанд. Дар ин ҳолат ҳамшира ҷароҳат бардошта бехуд шуд, барои он, ки Ў ҳомиладор будааст. Баъд аз ҷудо кардани ин муноқиша шаҳрванд дарк намуд, ки рафтораш тамоман нодуруст ва ҳамшира дар ҳолати беҳолӣ қарор дорад дарҳол телефонашро гирифта ва барои худро муҳофизат намудан ба наворгирӣ даромадааст. Баъд аз ним соати ҳодиса бародари шаҳрванд расида омада ҳолатро дида аз номи хоҳараш бахшиш пурсид ва илтимос намуд, ки ба ягон мақомот муроҷиат накунед ва баён намуд, ки хоҳари ман якчанд сол боз дар шаҳрҳои Руссия кор ва зиндагӣ дорад, асабаш вайрон мебошад.
Ваъда дод, ки пагоҳ хоҳараш ҳамроҳи модараш омада узру бахшиш мепурсад. Санаи 15.10.2021 сол бинобар ҳолати ҳамшираи тибби оилавӣ Одинаева Ф. вазнин шудан бо ҳамроҳи шавҳараш ба шўъбаи корҳои дохилии Соҳили рост муроҷиат менамояд. Аз тарафи кормандони ШКД ба экспертизаи судии тиббӣ равон карда мешавад ва баъдан ба Беморхонаи шаҳрӣ бистарӣ мегардад. Оиди бистарӣ шудан аз тарафи Беморхонаи шаҳрӣ иқтибоси картаи бемории бистаришуда №8541/925 ва маълумотномаи №69 оиди корношоямӣ пешкаш карда шудааст. Ҳодисаи мазкур дар байни кормандони Марказ мавриди баррасӣ қарор дода шуда, оид ба риояи одоби муошират бо беморон корҳои фаҳмондадиҳӣ гузаронида шуд. Айни ҳол масъалаи мазкур аз ҷониби мақомотҳои дахлдор мавриди санҷиш қарор дорад.
Қайд намудан ба маврид аст, ки то ҳол ному насаби шаҳрванд ба таври бояду шояд аниқ нест.
Ҳодисаи мазкур дар байни ҷомеаи меҳнатии кормандони марказ мавриди баррасӣ карор дода шуда, оид ба риояи одоби муошират бо беморон корҳои фаҳмондадиҳӣ гузаронда шуд.
Маъруфҷон Ҳоҷибоев,
муовини сардори Раёсати тандурустии вилояти Суғд
