Иштироки Фирдавс Шарифзода дар Рӯзи дониши Коллеҷи тиббии шаҳри Хуҷанд

Субҳи имрӯз Раиси шаҳри Хуҷанд Фирдавс Шарифзода ва муовини Раиси вилояти Суғд Зайнура Азимӣ ба муносибати Рӯзи дониш ба Коллеҷи тиббии шаҳри Хуҷанд ба номи Юсуфхон Исҳоқӣ ташриф оварда, устодон ва донишҷӯёни ин боргоҳи маърифатро бо оғози соли нави таҳсили 2026-2027 табрику таҳният намуданд.

Тамошои Дарси сулҳ дар Коллеҷи тиббии шаҳри Хуҷанд

Устодон ва донишҷӯёни Коллеҷи тиббии шаҳри Хуҷанд ба номи Юсуфхон Исҳоқӣ дар толорҳои барҳаво тариқи оинаи нилгун мулоқот ва суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бахшида ба Рӯзи дониш тамошо намуданд.

ЭМОМАЛӢ РАҲМОН: ТАЙИ ДАВРОНИ СОҲИБИСТИҚЛОЛӢ ДАР КИШВАР 4135 БИНОИ МУАССИСАИ ТАЪЛИМӢ БАРОИ НАЗДИК 2 МИЛЛИОН ХОНАНДА СОХТА БА ИСТИФОДА ДОДА ШУД

Дар тамоми муассисаҳои таълимии соҳаи маорифи шаҳри Хуҷанд, аз ҷумла гимназияи №4, МТМУ №6 ва 15 суханронии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар Рӯзи донишро дастҷамъона тариқи оинаи нилгун тамошо карданд.

Бинои иловагии мактаби хусусии П. Пӯлотов ба истифода дода шуд

Субҳи имрӯз ба муносибати Рӯзи дониш ва дар доираи нақшаи чорабиниҳо бахшида ба 35-солагии Истиқлоли давлатии Ҷумҳурии Тоҷикистон бо иштироки Раиси вилояти Суғд Раҷаб Аҳмадзода ва Раиси шаҳри Хуҷанд Фирдавс Шарифзода бинои иловагии Муассисаи таълимии ғайридавлатии мактаби ба номи П. Пӯлотови шаҳри Хуҷанд мавриди баҳрабардорӣ қарор дода шуд.

Номаи табрикотии Раиси шаҳри Хуҷанд Фирдавс Шарифзода ба муносибати Рӯзи дониш

СОЛИ НАВИ ТАҲСИЛ СОЛИ ДАСТОВАРДҲОИ НАВ ГАРДАД!

Устодони собитқадам, муаллимони гиромӣ! Донишҷўён ва хонандагони азиз!

Барои хурду бузург санаи 1-уми сентябр рўзи басо нишотовар ва хотирмон аст, зеро ҳамагон ба остонаи мактаб маҳз дар ҳамин рўз қадам гузоштаем ва шумо, муаллимону устодони азиз моро ба оғўши гарми хеш гирифтаед ва нахустин маротиба ба мо дарси сулҳ гузаштаед. Занги аввали мактаб занги аввалини зиндагист, ки дар ин рўз мо шунидаем.