02 Феврал 2015

Бо мақсади шиносоӣ аз рафти сохтмон ва азнавсозии «Лавҳаи фахрии шаҳрвандони фахрии шаҳри Хуҷанд»- Раиси шаҳри Хуҷанд Раҷаббой Аҳмадзода ба мавзеи корҳои сохтмонӣ омад.
Чуноне, ки қаблан маълумот дода будем, бо иқдоми Раиси шаҳри Хуҷанд мавзеи мазкур ва худи «Лавҳаи фахрии шаҳрвандони фахрии шаҳри Хуҷанд» бо тарзу усули нав азнавсозӣ гардида, он ба макони ифтихории маркази вилоят табдил дода хоҳад шуд.
Барои таъмиру азнавсозӣ бошад сохтмончиёни Муассисаи сохтмонии «ПНМК-45»-шаҳри Хуҷанд ҷалб гардидаанд, ки маблағи умумии корҳо 285 ҳазор сомониро ташкил медиҳад.
Раиси шаҳри Хуҷанд барои сари вақт ва бо сифати баланд иҷро гардидани корҳо дастуру супориш дода, истифодаи масолеҳи сохтмонии босифат, санъати меъморӣ ва ороиши миллиро талаб намуд. Тибқи нақша корҳои азнавсозӣ дар моҳи март ба анҷом расида, дар рӯзҳои таҷлили ҷашни Наврӯз расми кушоди он пешбинӣ шудааст.