17 Январ 2015

Дар қасри фарҳанги шаҳри Хуҷанд бо иштироки Раиси шаҳри Хуҷанд Раҷаббой Аҳмадзода ва муовини Раиси вилояти Суғд Хайрулло Амонулло ҷамъомади тантанавӣ бахшида ба 70 солагии собиқадори меҳнат яке аз пешқадамони истеҳсолоти даврони шӯравӣ, ходими намоёни ҳизбӣ Мағфират Дадобоева баргузор гардид.
Мағфират Дадобоева давоми фаъолияти зиёда аз 40 солаи худ дар комбинати щоҳибофии шаҳри Хучанд  тавонист аз коргари оддӣ то ба дараҷаи намояндаи халқ дар мақоми қонунгузори Иттиҳоди Шӯравӣ, ходими ҳизбӣ, зани фаъол ва устоди чандин шахсони арзандаи диёр гардад. Соҳибҷашн баробари фаъолияти меҳнатӣ ва шахси ҷамъиятӣ будан, модари мушфики панҷ фарзанд аст.
Ин ва дигар хислатҳои наҷиби соҳибҷашн, нақшу корнамоии ӯ дар истифодаи таҷрибаи пекадам, зинадагиномааш чун соҳибхоназан ва оиладорӣ дар суханони табрикии Раиси шаҳри Хуҷанд Раҷаббой Аҳмадзода ва номаи табрикотии Раиси вилояти Суғд Абдураҳмон Қодирӣ зикр гардид. Маҳз ба фаъолияти Махфират Дадобоева чун депутати Шӯрои Олии Иттиҳоди Шӯравӣ бунёди Қасри фарҳанги «Абрешимчӣ», ки имрӯз номи Қасри фарҳанги ба номи А. Рӯдакиро дорад, таъсиси филилати донишкадаи политехникӣ дар маркази вилоят иртибот дорад ва аз ҷумлаи амалҳоянд,ки номи соҳибҷашнро дар таърих сабт намудааст, қайд намуданд ҳамкорон ва ҳамсафони ин зани номдор.
Ҳамчунин дар назди ҳозирон доири ҳаёту фаъолияти Махфират Дадобоева котиби якуми Кумитаи иҷроияи Ҳизби Коммунисти вилояти Суғд Абдуҷаббор Ахмедов, собиқадори меҳнат Биҳоҷал Раҳимова, Мавҷуда Бобоева ва дигарон сухан гуфтанд.
Дар қисмати фарҳангӣ бошад аз ҷониби ҳунармандон Саидқодир Ёқубов, Носирҷон Раҳимов таронаҳои дилангез иҷро гардид.
Дар интиҳо соҳибҷашн Маҳфират Дадобоева ба давлату хукумат барои қадрдонӣ ва этибор изҳори сипосмандӣ намуд.