30 Декабр 2021
Субҳи имрӯз бо садо додани Суруди миллӣ дар толори Мақомоти иҷроияи ҳокимияти давлатии шаҳри Хуҷанд таҳти роҳбарии Раиси Маҷлиси вакилони халқи шаҳри Хуҷанд, Раиси шаҳр Фирдавс Шарифзода иҷлосияи нуҳуми Маҷлиси вакилони халқи шаҳри Хуҷанд, даъвати шашум ба кори худ шуруъ намуд.
Дар кори иҷлосия муовини Раиси вилояти Суғд Зайнура Азимӣ, вакилони шаҳр, роҳбарони воҳидҳои сохтории мақомоти иҷроияи ҳокимияти давлатии шаҳр, мақомоти ҳифзи ҳуқуқ, ташкилоту муассисаҳои шаҳрӣ, раисони маҳаллаҳо ширкат намуданд.
Нахуст вакилон масъалаҳои баррасишавандаи рўзномаи иҷлосияи тасдиқ намуданд.
Аз рўи масъалаи якуми рўзнома Ҳисоботи Раиси шаҳри Хуҷанд оид ба фаъолияти мақомоти иҷроияи ҳокимияти давлатии шаҳр дар ёздаҳ моҳи соли ҷорӣ шунида шуд.
Таъкид гардид, ки Мақомоти иҷроияи ҳокимияти давлатии шаҳри Хуҷанд дар 11 моҳи соли ҷорӣ баҳри дар амал татбиқ намудани сиёсати хирадмандонаи Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон, мўҳтарам Эмомалӣ Раҳмон, дастуру ҳидоятҳое, ки аз Паёми навбатӣ ба Маҷлиси Олии Ҷумҳурии Тоҷикистон ва сафарҳои кориашон ба шаҳру ноҳияҳои ҷумҳурӣ бармеояд, инчунин тибқи иҷрои нишондодҳои Раиси вилояти Суғд Раҷаббой Аҳмадзода чораҳои муассир андешида истодааст. Боиси тазаккур аст, ки соли ҷорӣ барои кулли сокинон ҳамчун соли таърихию хотирмон ба ҳисоб рафта, 30-юмин солгарди Истиқлоли давлатии Ҷумҳурии Тоҷикистон бо тантана ҷашн гирифта шуд. Дар ин ҷода, меҳнаткашони шаҳр бо руҳияи баланди меҳанпарастӣ дар самти рушди ҳамаи соҳаҳои хоҷагии халқ, пешбурди паҳлуҳои ҳаёти ҷамъиятию сиёсӣ, фарҳангию маънавӣ, равнақи созандагию бунёдкорӣ тадбирҳои рўзафзун андешида, давраи ҳисоботиро бо нишондиҳандаҳои назаррас натиҷабардорӣ карданд.
Сипас вакилон рафти иҷрои қарор Ҳукумати чумҳурии Тоҷикистон “Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанаи Ҷумҳурии Тоҷикистон аз ҳисоби духтарони лаёқатманд барои солҳои 2017-2022” ғро баррасӣ намуданд. Фирўза Нуруллозода, вакили шаҳрӣ, муовини Раиси шаҳри Хуҷанд, дар ин бораи маълуомти муфассал ироа намуда, иттилоъ дод, ки дар шаҳр як силсила иқдомҳои муҳим арс амти баланд бардоштаним ақоми зан дар ҷомеа, таъмин намудани иштироки фаъолонаи онҳо дар идоракунии давлат, аз ҳисоби духтарон омода кардани кадрҳои замони нав ва боз ҳам беҳтар гардонидани сиҳатии модар кудак амалӣ гаронида шуданд.
Вакили Маҷлиси вакилони халқи шаҳр аз ҳавзаи интихоботии “Қалъаи Хуҷанд”, № 17 Адиба Мамадова дар музокираи масъалаи мазкур иштирок намуд.
Дар ҷараёни иҷлояи масъалаи ворид намудани тағироту иловаҳо ба буҷети соли 2021 ва дар бораи қабули буҷети соли 2022 мавриди баррасии васеъ қарор доданд. Сардори Раёсати молияи шаҳр Абдусалом Бобоҷонзода маърўза намуд. Вакили Маҷлиси вакилони халқи шаҳр аз ҳавзаи интихоботии “Нури Аҷам”, № 24, раиси комиссияи доимӣ оид ба масъалаҳои ислоҳоти иқтисодӣ ва буҷет Муъмин Шарифзода маърўзаи иловагӣ намуд.
Сипас вакилон ҳисоботи буҷети шаҳр дар соли 2020-ро шунида, онро тасдиқ намуданд. Аз рўи масъалаи шашуми рўзнома вакилон ҳисоботи вакил аз ҳавзаи интихоботии “Сулҳ”, № 18 Фарангис Исмоиловаро дар бораи иҷрои ваколатҳои вакилиаш шунида, ба маълумот гирифтанд.
Масъалаи ҳафтуми рўзнома “Оид ба ворид намудани илова ба Дастури Маҷлиси вакилони халқи шаҳри Хуҷанд” муҳокима карда шуда, вакилон қарорҳои дахлдор қабул карданд.
Аз руи масъалаи ҳаштуми рузнома – Фирўза Нуруллозода-муовини Раиси шаҳри Хуҷанд пешниҳоди комиссияи номгузории объектҳои физикию ҷуғрофиро ба самъи вакилон расонд.
Аз ҷониби вакилон пешниҳоди комиссияи номгузории объектҳои физикию ҷуғрофӣ маъқул дониста шуда, дар ин бора қарор қабул гардид.
Вакилон дар ҷараёни иҷлосия якчанд масоили ҷориро низ баррасӣ карданд. Ҳамзамон як қатор қарорҳои Раиси шаҳри Хуҷанд баъди муҳокима тасдиқ гардиданд.
Сипас муовини Раиси вилояти Суғд Зайнура Азимӣ баромад намуда, роҷеъ ба масъалаҳои баррасишудаи иҷлосия изҳори назар намуд.
Дар поёни иҷлосия аз ҷониби садорати иҷлосия 3 нафар вакилони муваффақи шаҳр: Дилафрўз Саидӣ, Манучеҳра Кенҷазода ва Шаҳноза Мирзабаҳодуроваро барои расидан ба муваффақиятҳои илмӣ табрику таҳният карда шуд.
Раиси Маҷлиси вакилони халқи шаҳри Хуҷанд, Раиси шаҳри Хуҷанд Фирдавс Шарифзода ба кори иҷлосияи нуҳуми Маҷлиси вакилони халқи шаҳри Хуҷанд, даъвати шашум ҳусни анҷом бахшида, аз ҷумла зикр дошт, ки ҳар кадоми моро зарур аст, ки дастуру нишондодҳои дар Паёми Президенти Ҷумҳурии Тоҷикистон мўҳтарам Эмомалӣ Раҳмон ба Маҷлиси Олии Ҷумҳурии Тоҷикистонро зикршударо бори дигар амиқ омўхта, ҳамчун дастури раҳнамо ва чароғи ҳидоят пазируфта, барои расидан ба ҳадафҳои наҷиби оини давлатдории миллӣ,ҳифзи арзишҳои Истиқлолият ва таъмини ваҳдати миллӣ талош варзем.
Таъкид шуд, ки мардуми Хуҷандшаҳр барои дар амал татбиқ намудани нишондодҳои Паёми Асосгузори сулҳу ваҳдати миллӣ, Пешвои муаззами миллат Эмомалӣ Раҳмон ва дастуру вазифагузориҳои Раиси вилоят Раҷаббой Аҳмадзодаро бо амри дил иқдом намуда, ҳама якҷоя бо заҳмати содиқонаву аҳлонаи худ ҷашни умумимиллиро бо беҳтарин ҳадяҳои маънавӣ ва корномаҳои созанда истиқбол мегирем.
Дафтари матбуоти
Раиси шаҳри Хуҷанд