16 Сентябр 2019
Иншооти партовобтозакунии шаҳри Хуҷанд баъд аз азнавсозӣ, мавриди истифодабарӣ қарор дода шуд.
Ба ин муносибат дар иншооти партовобтозакунии шаҳри Хуҷанд бо иштироки намояндагони Мақомоти иҷроияи ҳокимияти давлатии шаҳр, ташкилоти “SEKO», намояндагони Бонки Аврупоии Таҷдид ва Рушд, мушвирони хориҷии «Холингер», пудратчиёни иншоот ва ғайраҳо чорабинӣ баргузор гардид.
Носир Ғафурзода, директори генералии «Хуҷандобуканал» онро ифтитоҳ намуда, аз ҷумла таъкид дошт, ки иншооти партовобтазкунии шаҳри Хуҷанд ҳанӯз соли 1976 ба истифода дода шуда буд, ки иқтидори он 65 000 метри мукаабро дар як шабонарӯз ташкил медод. Бо сабаби зиёд гардидани талабот сохтмони навбатии дуюми иншооти мазкур соли 1988 оғоз гардида буд ва баъди пошхӯрии Иттифоқи Шӯравӣ сохтони боз боздошта шуд. Бо файзи Истиқлолият ва дастгирии бевоситаи Асосгузори сулҳу Ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон лоиҳаи «Беҳтаргардонии таъминоти оби нӯшокӣ ва партовоби шаҳри Хуҷанд» дастгирӣ ёфт ва мавриди амал қарор дода шуд.
Сипас, муовини аввали Раиси шаҳри Хуҷанд Хайрулло Ғайбуллозода баромад карда аз ҷумла зикр намуд, ки марҳилаи 3-юми барномаи беҳтаргардонии низоми таъминоти оби нӯшокӣ ва рафъи партоб»-и шаҳри Хуҷанд аҳамияти муҳими иҷтимоию иқтисодӣ дошта, барои пешрафти ободонии шаҳр мақоми хоса дорад. Зеро дар доираи барномаи мазкур беҳтар намудани низоми таъминоти оби нӯшокӣ ва рафъи партоб»-и шаҳри Хуҷанд ба назар гирифта шуда, дар ин самт таъмир ва таҷдиди иншооти партовобтозакунии шаҳр, ивази қубурҳои фарсудашудаи партовоб, партовбардори асосӣ, магистралӣ ва кӯчаҳои алоҳидаи шаҳр, харидории таҷҳизот барои истеҳсоли гипохлорид, мошин ва механизимҳо, насби обченкунакҳои муосир, азнавзосии ташхисгоҳи оби нӯшокӣ ва таҷҳизонидан бо технологияи муосир ва ғайраҳо пешбинӣ гардида буд ва аксари корҳо амалӣ гардиданд.
Ҳамчунин намояндагони ташкилоти “SEKO», Бонки Аврупоии Таҷдид ва Рушд, мушовирони хориҷии «Холингер» андешаҳои хешро ҷиҳати муваффақона амалӣ шудани лоиҳа иброз доштанд.
Сипас дар вазъияти тантанавӣ иншооти партовобтозакунии шаҳри Хуҷанд баъд аз азнавсозӣ, мавриди истифодабарӣ қарор дода шуд.
Дафтари матбуоти
Раиси шаҳри Хуҷанд