(0 овоз, миёна 0 аз 5)

alt Субҳи имрӯз Раиси шаҳри Хуҷанд Маъруф Муҳаммадзода бо мақсади ошноӣ аз ҳолати ободонии кӯчаҳо, ҳолати истифодабарии биноҳои канори роҳи роҳи асосии даромади шаҳр, кӯчаву хиёбонҳои марказии шаҳр ҷиҳати омодагӣ ба таҷлили Истиқлолияти давлатии Ҷумҳурии Тоҷикистон аз ин мавзеъҳо пиёда боздид амал овард.

Маъруф Муҳаммадзодаро дар ин боздид муовини Раиси шаҳр, роҳбари дастгоҳи Раиси шаҳр, директори генералии КВДК «СО ва ХМК»-и шаҳр, сардорони қитъаҳои зертобеъ, раисони кумитаи маҳаллаҳо, роҳбарони воҳидҳои сохтории дахлдори мақомоти иҷроияи ҳокимияти давлатии шаҳр ҳамроҳӣ намуданд.

Раиси шаҳри Хуҷанд нахуст аз вазъи даромадгоҳи шимолии шаҳр дидан намуда, аз ҳолати санитарию нигоҳдошт ва истифодабарии нуқтаҳои савдою биноҳои баландошёнаи канори роҳ изҳори нигаронӣ карда, ба масъулини кӯчаҳо, раисони кумитаи маҳаллаҳо, соҳибмулкони мавзеъҳо ҷиҳати ободу хуррамгардонӣ дастуру супоришҳои мушаххас дод.

Ба масъулини дахлдор дастуру супоришҳои махсус оид ба рангубори намои мағозаву идораҳо, башаклдарории дарахтон, батартибдарории гулдонҳо, кишти гулҳои мавсимӣ, барқарор намудани ҷуйборҳои фарсудашуда, бунёди девораҳои қадди роҳ, бартараф намудани иншооти ғайриқонунӣ ҷойгиргардида ва ғайраҳо дода шуд.

Таваҷҷуҳи махсус ҷиҳати ободонии автовокзали мавзеъи Пахтакор дода шуда, ба роҳбарияти он ҷиҳати батартибдарории дохил ва ҳудуди он дастурҳо дода шуд.

Раиси шаҳри Хуҷанд Маъруф Муҳаммадзода аз вазъи насби овезаву навиштаҷоти рекламавии мағозаву нуқтаҳои хизматрасонӣ изҳори нигаронӣ карда, барои ба танзимдарории он ва ба талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» мувофиқнамоии он супоришҳо дод.

Маъруф Муҳаммадзода ба масъулини қитъаи ободонӣ ҷиҳати хуррамгардонии ду қадди роҳи Камоли Хуҷандӣ бо шинонидани гулҳои ҳамешасабз дастурҳо дод.

Ба масъулини дахлдор супоришҳои қатъӣ дода шуд, ки дар ҳамкорӣ бо соҳибмулкони иншооти номбурда дар муҳлати 3 рӯз камбудиву эродҳои ошкоршуда бартараф гардида, ин гӯшаи шаҳрро дар қатори дигар кӯчаву маҳаллаҳо барои бошукуҳ ҷашн гирифтани Истиқлолияти давлатии Ҷумҳурии Тоҷикистон омода намоянд.

Раиси шаҳри Хуҷанд Маъруф Муҳаммадзода ва ҳайати ҳамроҳонаш ҳамчунин аз хиёбони Исмоили Сомонӣ ва кӯчаи Абулқосим Фирдавсӣ боздид ба амал оварданд.

Дар ин мавзеъҳо аз ҷониби шаҳрдор ҷиҳати бартараф намудани иншооти ғайриқонунӣ бунёдшуда, башаклдарории дарахтон, идома бахшидан ба пайраҳасозии канори роҳ, суръатбахшии корҳои кабудизоркуниву гулзоркунӣ ва ғайраҳо супоришҳо дода шуд.

Дар анҷоми боздиди Раиси шаҳри Хуҷанд Маъруф Муҳаммадзода аз мавзеъҳои номбурдаи шаҳр ба иҷрокунандагон ва масъулин супориш дода шуд, ки то муҳлатҳои муйянгардида барои бо сифати баланд иҷро намудани вазифаҳои супоришҳои дар боло қайдшуда тадбирҳои мушаххас андешанд.

Дафтари матбуоти
Раиси шаҳри Хуҷанд