01 Май 2019

Як гурӯҳи калони наворбардорони ширкати телевизион ва радиои «Айгак»-и Ҷумҳурии Қазоқистон ба шаҳри Хуҷанд ташриф меоранд.

Наворбардорони ширкати телевизион ва радиои Ҷумҳурии Қазоқистон санаҳои 6-8 майи соли равон аз мавзеъҳои таърихии шаҳри Хуҷанд, аз ҷумла Осорхонаи таърихӣ-кишваршиносии вилояти Суғд, бозори марказии «Панҷшанбе», Боғи Камоли Хуҷандӣ, Маҷмааҳои «Шоҳ Исмоили Сомонӣ», «Истиқлол», «Роҳи танобӣ», киштии рамзии «Темурмалик» ва ғайраҳо боздид намуда, бо вазъи зиндагии мардуми маҳаллаи «Шимкент»-и шаҳри Хуҷанд ошноӣ пайдо менамоянд.

Дар барномаи сафари кори гуруҳи калони наворбардорони ширкати телевизион ва радиои «Айгак»-и Ҷумҳурии Қазоқистон мулоқот бо Раиси шаҳри Хуҷанд Маъруф Муҳаммадзода низ пешбинӣ гардидааст.

Дафтари матбуоти
Раиси шаҳри Хуҷанд