14 Март 2019

Тибқи дастури Раиси шаҳри Хуҷанд Маъруф Муҳаммадзода бо мақсади сазовор ҷашн гирифтани Наврӯзи байналмилал оғозан аз санаи 16.03.2019. соати 16:00 дар маҳаллаи Тути калон ва мувофиқи нақшаи тасдиқгардида дар тамоми маҳаллаҳои шаҳр чорабиниҳои наврӯзӣ бо пухтани сумалак ҷараён мегирад.

Вобаста ба ин аз ҷониби Маъруф Муҳаммадзода масъулини дахлдор муваззаф гардидаанд, ки дар сатҳи баланд гузаронидани чорабинии мазкур тадбирҳо андешанд.

Интизор меравад, ки дар ин рӯзҳои наврӯзии маҳаллаҳои шаҳр ҳамчунин намоиши ҳунарҳои мардумӣ сурат мегирад. Шеъру суруд ва таронаву бадеҳагӯйиҳо наврӯзӣ дар ин рӯз сароида шуда, маҷмуъан маҳаллаҳоро фазои идона фаро хоҳад гирифт. Бояд қайд намуд, ки дар чорабинӣ намояндагони Мақомоти ичроияи ҳокимияти давлатии шаҳр иштирок ва Паёми табрикотии шаҳрдорро ироа хоҳанд намуд.

Ҳамин тавр, санаи 16.03.2019 соати 17:00 дар маҳаллаҳои Темурмалик, Суғдиён, Сайҳун ва Мевағул, санаи 17.03.2019 дар маҳаллаи Ҷаббор Расулов, санаи 18.03.2019 дар маҳаллаҳои Раззоқ ва Шарқ, санаи 19.03.2019 дар маҳаллаи Тиллокон, санаи 20.03.2019 дар маҳаллаҳои Чашмаи Арзана, Ваҳдат ва Навбаҳор, санаи 22.03.2019 дар маҳаллаи Бофанда, санаи 23.03.2019. дар маҳаллаҳои Содирхон Ҳофиз, 1-май, Қорираҳмат Қурбонов, Масҷиди Савр ва Чорчароғ, санаи 24.03.2019 дар маҳаллаҳои Сирдарё ва Дӯстии халқҳо, санаи 25.03.2019 дар маҳаллаи Хуҷанд тантанаҳои наврӯзии сокинони маҳалла баргузор мешавад.

Ҷоиз ба зикр аст, ки маҷмуан 22 маҳаллаҳои шаҳри Хуҷанд то санаи 25 марти соли 2019 чорабиниҳои наврӯзии хешро дар чойхона, идораи маҳалла, хонаҳои баландошёна ва дар яке аз кӯчаҳои ҳудуди маҳаллаҳояшон баргузор менамоянд.

Дафтари матбуоти
Раиси шаҳри Хуҷанд