10 Декабр 2015

Дар мактаб-гимназияи № 24 ҷамбаст олимпиадаи фаннии мактабиёни шаҳр ба анҷом расид.
Дар чорабинии ба ин муносибат баргузор гашта, аъзоёни ҳакамони ин озмун омӯзгорону муҳассилин иштирок намуданд.
Дар оғози ҳамоиши ҷамбастии озмун муовини Раиси шаҳри Хуҷанд Умедахон Муродӣ ба сухан баромада, эҳтирому сипосмандии Раисии шаҳри Хуҷанд Раҷаббой Аҳмадзодаро ба ҳозирон расонд.
Соли дуввум аст, ки олимпиадаи фанни хонандагони шаҳр тариқи «Онлайн» доир мегардад, ки ин иқдом барои таъмини шаффофияти олимпиада, дарёфти воқеии хонадагони лаёқатманд мусоидат менамояд.
Дар ин сабқати донишу истеъдод аз синфҳои 9 ва 11 - 1281 нафар ширкат варзиданд. Аз синфи 9 ва 10 дар олимпиада 816 нафар ва аз синфи 11 бошад 407 нафар довталабон барои ба даст овардани мақомҳои ифтихорӣ мубориза бурданд. Ҳайати ҳакамон ба донишу истеъдоди довталабон баҳои воқеӣ дода, беҳтаринҳо муайян карданд.
Дар даври дуввуми олимпиадаи шаҳрии мактаббачагони шаҳри Хуҷанд 270 нафар сазовори ҷойҳои 1, 2 ва 3 гашта, ба даври вилоятӣ аз синфи 10-26 нафар ва аз синфи 11-78 нафар роҳхат гирифтанд. Дар Олимпиадаи имсола муҳассилини муассисаҳои таълимии №15, 22, 8, 12, 9, 10, 21, 7 ва литсейи физикию математикии №1, мактаби хусусии Пўлотов, “Паймони азизон”, гимназияи №24, “Гулчини маърифат”, гимназияи ба номи Гёте, мактаби хусусии ба номи Ю. Рустамов, гимназияи №4, Ганҷ ва литсейи ДДҲБСТ аз ҳама зиёд ба гирифтани ҷойҳои ифтихорӣ мушарраф гардиданд. Ба хонандагони ғолиб дипломи ифтихорӣ супорида шуд.