Шукуҳу ифтихор аст, Роғун

14 Ноябрь 2018

26 сентябри соли 2005 дар шаҳри энергетикҳо Роғун маросими бо танатанаи кушодашавии идомаи сохтмони Нерўгоҳ баргузор гарида буд, ки он дар саҳифаҳои таърихи Тоҷикистон бо ҳарфҳои заррин сабт шудааст.

Он рўз Роғуншаҳр намуди идона дошт. Кўчаву майдонҳои марказии шахр пур аз одамон буданд. Хурду калон, пирону кўдакон либосхои идона ба бар карда, бо гулу гулдастахо, бод или пур аз шодию фарах сўи майдони асоси мешитобиданд. 
Сохтмони Нерўгохи Роғун, ки солиёни зиёд мавқуф гузошта шуда буд, имрўз аз нав тавлид гашт.
Солҳои ҳаштодўм баробари сохтмони иншоотҳои асосии Нерўгоҳ, сохтмони биноҳои истиқомативу фарҳангӣ, тандурустӣ, маишию мадании шаҳри Роғун низ вусъат ёфта буд. Дар зарфи 15 – 16 сол шаҳраки бинокорон барои 18 ҳазор аҳолӣ анҷом ёфта, иншоотҳои асосии НБО дар ҳаҷми беш аз 43% сохта шуда буд.

Боғшаҳри Роғунам

14 Ноябрь 2018

Субҳи шодиҳо дамид дар боғшаҳри Роғунам,
Файзу нусратҳо расид аз боғшаҳри Роғунам.
Шукр гӯям ман талоши Пешвои миллатам,
Нурборон гашт кишвар аз сафои Роғунам.
Мерасид афсонае бар гӯш пеш аз ин нигар,
Гӯи Роғун нур мебахшад ба мо соли дигар.
Бин ҳақиқат шуд, меҳнат ҷӯш зад дар корзор,
Дар бари Пешво чу халқ шуд ин саодат интизор.
Оби Вахш аз қуллаҳо бо азм софу беғубор,
Сӯи водӣ гашт ҷорӣ сӯи чорбоғу канор.