Иттилоъ дода шуд, ки аз ҷониби Сарвари кишварамон эълон гардидани “Соли 2026 - соли вусъат додани корҳои ободонию созандагӣ ва тақвияту таҳкими худшиносиву худогоҳии миллӣ”-ро сокинони шаҳр бо рўҳияи баланди меҳанпарастӣ ҷонибдорӣ намуда, баҳри татбиқи он корҳои ташаббускорию заҳмати софдилонаи худро аз ҳарвақта бештар афзун намуда истодаанд.

Сарфи назар аз тағирёбии тартиботи ҷаҳонӣ ва муносибатҳои иқтисодӣ, дар натиҷаи амалигардонии ҳадафҳои асосии стратегии кишварамон ва дарёфти захираҳои иловагӣ, ба мо имконпазир гашт, ки дар рушди бонизоми иқтисодии шаҳр ба натиҷаҳои назаррас ноил гардем.

Бо мақсади тақвияти ҳадафи саноатикунонии босуръат дар шаҳр корҳои пурмаҳсул ба роҳ монда шуда, дар натиҷа ба маблағи 1,2 млрд. сомонӣ маҳсулот истеҳсол карда шуд. Ин нишондиҳанда дар муқоиса бо ҳамин давраи соли сипаригашта 275,4 млн. сомонӣ ё 26,3 фоиз зиёд шудааст.

Аз миқдори умумии маҳсулотҳои истеҳсолгардида, ҳаҷми содироти он ба хориҷи кишвар 240 млн. сомонӣ буда, он нисбат ба ҳамин давраи соли гузашта 112 фоизро ташкил додааст.

Ҳамзамон, 125 корхонаҳо маҳсулотҳои воридотивазкунанда ба маблағи 574,7 млн. сомонӣ истеҳсол карданд, ки ин нишондиҳанда 102,9 млн. сомонӣ ё 121,8 фоизро ташкил додааст.

Дар раванди рушду инкишофи соҳаи саноат бо ҷалби зиёда аз 100 млн. сомонӣ сармояҳо 18 адад корхонаҳои хурду миёнаи истеҳсолӣ бо технологияҳои муосир таъсис дода шуд.

Дар навбати худ, дар давраи сипаригашта тамоми корхонаҳои шаҳр фаъолияташонро самаранок ба роҳ монда, нерўи барқро сарфакорона истифода бурданд, ки дар натиҷа талафоти барқ то ба 6,9 фоиз поён рафта, барои дар амал татбиқ намудани ҳадафи стратегӣ - Истиқлолияти энергетикӣ заминаи устувор мегузорад.

Дар давраи ҳисоботӣ дар дигар сектори реалии иқтисодиёти шаҳр низ, нишондиҳандаҳои асосӣ пурраю барзиёд таъмин гардида, ҳаҷми фондҳои асосӣ 172,9 млн. сомонӣ ё 1,6 маротиба, сармоягузориҳо ба соҳаи сохтмон 977,9 млн. сомонӣ ё 1,8 маротиба, корҳои сохтмонию васлкунӣ 934,5 млн. сомонӣ ё 1,9 маротиба, корҳои пудратӣ 828,1 млн. сомонӣ ё 1,8 маротиба, хизматрасонии пулакӣ 1 млрд. 25,8 млн. сомонӣ ё 109,7 фоиз, муомилоти гардиши мол 3,2 млрд. сомонӣ ё 115,1 фоиз, ҳаҷми муомилоти савдои берунмарзӣ 318,4 млн. доллари амрикоӣ ё 1,4 маротиба, сармоягузорӣ 40,1 млн. доллари амрикоӣ ё 105,5 фоиз, боркашонӣ 3,2 млн. тонна ё 124,5 фоиз, мусофиркашонӣ 57,1 млн. нафар ё 112,4 фоиз ва музди миёнаи маоши кормандон 3 ҳазору 305 сомонӣ ё 119,3 фоизро ташкил додааст.

Таъмини пурраю барзиёди нишондиҳандаҳои иқтисодии соҳаҳои хоҷагии халқ боис гардид, ки 572,0 млн. сомонии нақшаи буҷети умумӣ амалан 655,4 млн. сомонӣ ё 114,6 фоиз, 238,7 млн. сомонии нақшаи буҷети маҳаллӣ 266,2 млн. сомонӣ ё 111,5 фоиз таъмин шуд.

Баҳри фаъолияти самараноки сохторҳои давлатӣ, аз буҷет саривақт маблағгузорӣ карда шуда, барои ин мақсадҳо қисми хароҷоти буҷети шаҳр, 100,0 фоиз иҷро гардида, барои рушди соҳаҳои ҳаётан муҳими иҷтимоӣ, аз ҷумла, маориф, тандурустӣ, фарҳанг ва ҳифзи иҷтимоии аҳолӣ 78,6 фоизи қисми хароҷоти буҷети маҳаллӣ ё 191,2 миллион сомонӣ равон карда шудааст.

Мавриди тазаккур аст, ки бо мақсади сазовор пешвоз гирифтани ҷашни 35-солагии Истиқлоли давлатии Ҷумҳурии Тоҷикистон дар ҳудуди шаҳри Хуҷанд сохтмон, азнавсозӣ ва таъмиру таҷдиди 950 иншоотҳои ҳаётан муҳим ба нақша гирифта шуда, то имрўз, нақшаи панҷсолаи бунёди иншоотҳои ҷашнӣ 137,0 фоиз таъмин шуда, ба ҷои 950 адад, 1 ҳазору 302 иншоотҳои гуногуни ҳаётан муҳим бунёд гардидааст, ки аз ин миқдор 207 адади онҳо ба нимсолаи аввали соли ҷорӣ рост меояд.

Фирдавс Шарифзода гуфт, ки боиси ифтихор аст, ки дар нимсолаи аввали соли ҷорӣ, дар доираи сафарҳои идонаву кории худ, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон ба вилояти мо, дар шаҳри Хуҷанд ба 22 адад иншооти ҳаётан муҳиму ҷашнии бунёдгашта, ҳусни оғоз бахшида, барои корҳои созандагии фаъолони вилоят баҳои назаррас изҳор намуданд.

Дар татбиқи рисолати корҳои ободонию гулзоркунӣ саҳми соҳибкорону аҳолӣ низ, мунтазам фаъол гардида, дар мавзеъҳои шаҳр дарахтони ороишию ҳамешасабз, инчунин гулҳои ҳархелаи ороишию маҳаллӣ шинонида шуда, таҳти нигоҳубин қарор дорад.

Илова бар ин, барои боз ҳам афзун намудани ҳусну таровати шаҳр, дар кўчаю хиёбонҳо ва майдонҳои ҳудуди шаҳр лампаҳо, чароғакҳою фурўзонакҳо ва равшанкунакҳои муосир насб карда шуда, биноҳои баландошёнаи истиқоматӣ рангубору таъмир карда шуданд.

Дар ин раванд, то имрўз 30 км роҳҳои мавзеъи шаҳр таъмир ва барқарор карда шуда, бо дастгирии Мақомоти иҷроияи ҳокимияти давлатии вилояти Суғд дар кўчаи Рифъат Ҳоҷиев корҳои васеъгардонӣ идома дорад.

Маврид ба зикр аст, ки дар ҳамкорӣ бо соҳибкорону саховатмандон дар хиёбони Раҳмон Набиев барои гузаронидани хатти партовоб корҳои сохтмонӣ оғоз гардида, айни ҳол аз 2150,0 метри ба нақша гирифташуда, масофаи 1700,0 метр қубурҳои қутраш 800,0 мм-ра васлу насб карда шуда, ҳоло корҳо дар ин самт давом доранд.

Шаҳрдор гуфт, ки ба соҳаҳои маорифу тандурустӣ, ҳамчун самтҳои афзалиятноки сиёсати иҷтимоии давлат таваҷҷўҳи бештар зоҳир гардида, дар давраи сипаригашта 14 адад муассисаҳои ин соҳаҳо барои ба талаботҳои муосир ҷавобгў будан, бунёду азнавсозӣ ва таъмиру таҷдид гардиданд.

Ҷавобан ба ин ғамхориҳо толибилмони шаҳр бо ҳисси баланди завқу шавқи донишомўзӣ дар олимпиадаҳои гуногуни фаннии сатҳи баланд иштирок намуда, 159 нафар сазовори ҷойҳои ифтихории олимпиадаи ҷумҳуриявӣ ва 87 нафар сазовори ҷойҳои ифтихории олимпиадаи байналхалқӣ гардиданд.

Ҳамчунин, баҳри рушди маънавию фарҳангии ҷомеа дар шаҳр 98 чорабиниҳои гуногун доир гардида, дар он зиёда аз 100,0 ҳазор нафар сокинону сайёҳони дохилию хориҷӣ иштирок намуданд.

Сипас дар қисмати саволу ҷавоб ба Раиси шаҳри Хуҷанд Фирдавс Шарифзода аз ҷониби рӯзноманигорон, аз ҷумла: Мирзоаъзам Мақсудов, рӯзномаи “Народная газета”, Мадина Поччоева, телевизиони “Ҷаҳоннамо”, Мафтуна Шукурова, ШТР “СМ-1”, Ӯғулой Раҷабова, “ШТР “7 ситора”, Афзал Босолиев “Азия”, Фирӯза Мирҷумъаева, ШТР “Диёр”, Ӯрунбой Усмонов “Халқ овозӣ”, Маҳмадбердӣ Маҳмадов, телевизиони “Сайёҳӣ ва ҳунарҳои мардумӣ”, Фарзона Муродӣ ОИ “Азия плюс”, Қамари Аҳрор “Суғдиён медиа”, Алишери Толиб “Суғд пресса”, Муҳайё Қаюмова “Баҳори аҷам”, Фарзон Муҳаммадӣ радиои “Озодӣ”, Раъно Муҳаммад “Кайҳон”, Қудратулло Раҳматуллоев телевизиони вилоятии “Суғд” ва дигарон доир ба самтҳои мухталифии хоҷагии халқи шаҳр, аз ҷумла, бунёди хонаҳои баландошёна, хизматрасонии коммуналӣ, тадбирҳои ободонӣ, ободонии маҳаллаҳо, маданияти шаҳрдорӣ, лоиҳаи “Шаҳри бехатар”, вазъи корхонаҳои саноатӣ, раванди бунёди биноҳои баландошёна, таъмини ҷойҳои нави корӣ ва ғайра саволҳо дода, ҷавобҳои мушаххас дарёфтанд.

Раиси шаҳри Хуҷанд Фирдавс Шарифзода дар анҷоми нишасти матбуотӣ гуфт, ки дар баробари дастовардҳои ноил гардида, дар соҳаҳои хоҷагии халқи шаҳр ҳоло масъалаҳои ҳалталаб ҷой доранд ва мо бо истифода аз тамоми имкониятҳо баҳри ҳалли онҳо чораҳои ҳамарўза меандешем.

Изҳори умедворӣ карда шуд, ки ки мо ҳама якҷоя, аз ҷумла рӯзноманигорон ҷиҳати амалӣ намудани сиёсати созандагии Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон ва нишондодҳои Раиси вилояти Суғд мўҳтарам Раҷаб Аҳмадзода бо азму иродаи қавӣ заҳмат мекашем ва аз ҳаррўза бештар хизмат намуда барои сазовор пешвоз гирифтани ҷашни 35-солагии Истиқлоли давлатии Ҷумҳурии Тоҷикистон саҳми босазо мегузорем.