18 Сентябр 2025
Имрўз дар толори шуъбаи маорифи шаҳри Хуҷанд бо иштироки сардори раёсати маорифи вилояти Суғд Гулсара Мирзозода ва муовини Раиси шаҳри Хуҷанд Муяссара Қаҳҳорӣ маросими муаррифии мудири тозатаини шуъбаи маорифи шаҳри Хуҷанд баргузор гардид.
Ҳамин тариқ мутобиқи фармоишҳои Вазири маориф ва илми Ҷумҳурии Тоҷикистон Шаҳноза Мақсудзода бинобар ба кори дигар гузаштан аз вазифаи мудири шуъбаи маорифи шаҳри Хуҷанд озод гардида, дар мувофиқа бо шаҳрдорӣ Мадина Салимзода ба вазифаи мудири шуъбаи маорифи шаҳри Хуҷанд таъин гардид.
Бояд қайд намуд, ки Мадина Салимзода 10-уми январи соли 1979 дар шаҳри Хуҷанд таваллуд шуда, факултети педагогии ДДХ ба номи академик Бобоҷон Ғафуровро хатм намуда, фаъолияти меҳнатиашро ба ҳайси омўзгори синфҳои ибтидоии МТМУ №23 оғоз намуда, сипас дар МТМУ №21 ва гимназияи хусусии “Нур” ба фаъолияти омӯзгорӣ шуғл варзид.
Солҳои 2008-2013 дар вазифаи сармутахасис-котиби комиссия оид ба ҳуқуқи кӯдаки Мақомоти иҷроияи ҳокимияти давлатии ноҳияи Бобоҷон Ғафуров, солҳои 2013-2016 дар вазифаи сармутахасис-котиби комиссия оид ба ҳуқуқи кӯдаки Мақомоти иҷроияи ҳокимияти давлатии шаҳри Хуҷанд, солҳои 2016-2017 мудири кафедраи педагогика ва психологияи коллеҷи омӯзгории шаҳри Хуҷанд, 2017-2020 дотсенти кафедраи фанҳои ҷамъиятшиносии ДДҲБСТ, солҳои 2020-2021 мудири шуъбаи кор бо занон ва оилаи КИҲХДТ дар вилояти Суғд ва як муддат ба сифати муовини раиси Кумитаи иҷроияи ҲХДТ дар вилоят фаъолият намудааст. Солҳои 2021-2024 мудири бахш оид ба ҳуқуқи кӯдаки Мақомоти иҷроияи ҳокимияти давлатии вилояти Суғд буд.
Аз 1-уми майи соли 2024 то таъин шуданаш ба вазифаи мудири шуъбаи маорифи шаҳри Хуҷанд мудири бахши васояту парастории Мақомоти иҷроияи ҳокимияти давлатии вилояти Суғдро ба зимма дошт.
Дафтари матбуоти
Раиси шаҳри Хуҷанд
