Маросими ифтитоҳи курси 3 моҳаи “Зан-роҳбар” дар шаҳри Хуҷанд барои 30 нафар бонувон

Дар маросими ифтитоҳии машғулиятҳо Муяссара Қаҳҳорӣ, муовини Раиси шаҳри Хуҷанд, Биҳоҷал Раҳимова, Ходими давлатӣ, Шаҳрванди фахрии шаҳри Хуҷанд, Мунзифа Ҷабборӣ, раиси Кумитаи Иҷроияи Халқии Демократии Тоҷикистон дар шаҳри Хуҷанд, Марҳабо Аҳмадзода, намояндаи Суди шаҳри Хуҷанд , Шоира Вализода, мудири кафедраи педагогикаи иҷтимоӣ ва касбии ДДХ ба номи академик Бобоҷон Ғафуров номзади илмҳои педагогӣ, Фазилат Содиқова, донишҷўи курси дуюми Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд иштирок ва маърӯзаҳо намуданд.

Таъкид гардид, ки боиси ифтихор ва сарбаландист, ки тайи солҳои соҳибистиқлолии кишвар таҳти роҳбарии бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мухтарам Эмомалӣ Раҳмон Ҳукумати Ҷумҳурии Тоҷикистон тавонист, ки барои бехбуди вазъи занон таваҷҷўҳи хоса зоҳир намояд. Бояд тазаккур дод, ки “Барномаи мазкур тибқи дастуру супоришҳои Асосгузори сулҳу ваҳдати миллӣ, Президенти Ҷумҳурии Тоҷикистон мухтарам Эмомалӣ Раҳмон таҳия ва қабул гардидааст. Таҳия, қабул ва амалигардонии Барномаи зикршуда барои беҳтар намудани сатҳи иҷтимоию иқтисодӣ, фарҳангию маърифатии оилаҳо, пешгирии зўроварӣ нисбати занон, баланд бардоштани мақоми зан дар ҷомеа, иштирокии фаъолонаи онҳо дар идоракунии давлат, омода намудани кадрҳои болаёқату донишманд аз ҳисоби занону духтарон ва болоравии маърифати ҳуқуқии занон мусоидат намудаанд. Сиёсати давлатӣ оид ба тарбия, интихоб ва ҷобаҷогузории кадрҳо аз ҳисоби занону духтарони лаёқатманд маҷмўъи тадбирҳо ва амалиёти мушаххасу ҳадафманде мебошад, ки ба баробарҳуқуқии шахсӣ, иҷтимоӣ ва вусъати имкониятҳои онҳо дар интихоби роҳҳои ҳаётӣ мусоидат мекунад.

Иттилоъ дода шуд, ки аз рўи маълумоти оморӣ имрўз дар шаҳри Хуҷанд 207, 600 нафар аҳолӣ буда, аз ин 104 ҳазору 200 нафар занону духтарон ташкил медиҳад, ки аз ин занони роҳбарикунанда дар шаҳр 2 нафар занон вакилони Маҷлиси намояндагони Маҷлиси Олии Ҷумҳурии Тоҷикистон, 2 нафар вакилони Маҷлиси халқи вилояти Суғд, дар Маҷлиси вакилони шаҳр аз 40 нафар намояндаи мардумӣ ҳамагӣ 16 нафарашон занон, яъне 37% фоизро занҳо ташкил медиҳанд.

Ҳамин тавр, 30 нафар бонувон ба курси 3 моҳаи “Зан-сарвар” фаро гирифта мешавад ва баъди хатми он Гувоҳномаҳо ба эшон тақдим мегардад.