30 Июнь 2025
Недоступен ни однин перевод.
Имрӯз Раиси вилояти Суғд Раҷаб Аҳмадзода ва Раиси шаҳри Хуҷанд Фирдавс Шарифзода аз рафти сохтмони бинои маъмурии КИ ҲХДТ дар вилояти Суғд ва шаҳри Хуҷанд боздид ба амал оварданд.
Иншооти мазкур дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба истиқболи ҷашни 35-солагии Истиқлоли давлатии Ҷумҳурии Тоҷикистон дар кӯчаи Камоли Хуҷандии маркази маъмурии вилоят бунёд мегардад.
Тавре иттилоъ дода шуд, тибқи лоиҳа бино аз таҳхона ва 7 ошёна иборат буда, дар он наздики 90 утоқи корӣ, маҷлисгоҳҳои хурди дорои то 40 ҷойи нишаст, маҷлисгоҳ бо фарогирии 200 ҷойи нишаст, бойгониҳо, китобхона ва ошхона ба нақша гирифта шудаанд. Аллайкай таҳхонаи иншоот ба анҷом расидааст.
Раиси вилоят Раҷаб Аҳмадзода зимни боздид аз рафти сохтмон ба масъулин ҷиҳати бо масолеҳи босифат, бо истифода аз услубҳои меъмории миллӣ ва дар муҳлати муайяншуда бунёд намудани ин иншооти ҷашнӣ дастуру супоришҳо ва тавсияҳои судманд дод. Таъкид шуд, ки имрӯз дар ҳудуди вилояти Суғд беш аз 194 ҳазору 892 нафар аъзои Ҳизби Халқии Демократии Тоҷикистон буда, аз ин теъдод 25 ҳазору 704 нафар ҳизбиёни шаҳри Хуҷанд мебошанд.
Бунёд ва ба истифода додани бинои нави КИ ҲХДТ дар вилояти Суғд ва шаҳри Хуҷанд барои густариши фаъолияти аъзо ва ҷонибдорони ҳизб имконияти бештар фароҳам оварда, тадбири муҳим дар роҳи татбиқи ҳадафҳои оинномавию барномавии Ҳизби Халқии Демократии Тоҷикистон чун ҳизби мардумӣ, созанда ва ободкор мебошад.
Дафтари матбуоти
Раиси шаҳри Хуҷанд
