Асосӣ БойгонӣИдомаи мумфаршкунии роҳҳо дар шаҳри Хуҷанд

Идомаи мумфаршкунии роҳҳо дар шаҳри Хуҷанд

(0 овоз, миёна 0 аз 5)

26 Август 2024

Шаҳри Хуҷанди бостонӣ бо дастур ва раҳнамоиҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон ҷиҳати сазовор пешвоз гирифтани 33 солагии Истиқлолияти давлатии Ҷумҳурии Тоҷикистон қабои нав ба бар менамояд.

Соли ҷорӣ бо оғози маъракаи мумфаршкунии як қатор кӯчаҳои шаҳри Хуҷанд ва дохили маҳаллаҳо бо ҷалби маблағҳои буҷавӣ ва соҳибкорони ватандўст мумфарш карда шуданд.
Субҳи имрўз низ бо маблағгузории Мақомоти иҷроияи ҳокимияти давлатии шаҳри Хуҷанд мумфаршкунии роҳи хиёбони Раҳмон Набиев, аз гардиши назди Идораи Сарраёсати ҳифзи муҳити зисти вилоят то қабристони Боғи Охуни маҳаллаи “Раззоқ” дар масоҳати беш аз 6000 метри мураббаъ оғоз гардид. Ҳамзамон  ҷўйборҳои канори роҳ азнавсозӣ гардида, пайроҳаи  роҳ низ азнавсозӣ шуда истодааст.
Ҷоиз ба зикр аст, ки дар хиёбони Раҳмон Набиев як қатор идораву муассса ва ташкилотҳо, аз ҷумла якчанд адад корхонаҳои саноатӣ ва ғайраҳо ҷойгир буда, ҳамарўза садҳо нафар корафтодагон аз ин кўча истифода менамоянд.