Асосӣ БойгонӣБоздиди Раиси вилоят аз муассисаҳои соҳаи тандурустӣ

Боздиди Раиси вилоят аз муассисаҳои соҳаи тандурустӣ

(0 овоз, миёна 0 аз 5)

22 Август 2024

Раиси вилояти Суғд Раҷаббой Аҳмадзода аз муассисаҳои соҳаи тандурустии маркази вилоят боздид намуда, бо вазъи омодагии онҳо ба тирамоҳу зимистони дарпешистода шинос гардид.

Раиси вилоят нахуст ба Беморхонаи клиникавии шаҳрии рақами 1 омада, ҳолати кунунии маркази гармидиҳӣ ва захираи ангиштро мавриди таваҷҷуҳ қарор дод. Ба иттилои роҳбарияти беморхона барои дар сатҳи зарурӣ гузаронидани тирамоҳу зимистони солҳои 2024-2025 бояд 300 тонна ангишт захира карда шавад. Ҳуҷраҳои бистарикунонӣ ва кории беморхона тариқи системаи ягонаи гармидиҳӣ дар фасли сармо бо гармӣ таьмин карда мешавад. Беморхона дорои 13 шуъбаи хизматрасонии тиббӣ, маъмурӣ ва хоҷагидорӣ буда, захиракунии ангишт идома дорад.
Зимни боздид аз Беморхонаи клиникавии вилояти Суғд иттилоъ дода шуд, ки дар доираи омодагиҳо ба фасли зимистон то имрӯз 7 шуъбаи беморхона аз таъмир бароварда шуд. Барои таъмини гармӣ дар фасли сармо низ тадбирҳо амалӣ гардида, миқдори зарурии маводи сӯхт захира карда мешавад. Беморхонаи вилоятӣ дорои 31 шуъба буда, аз калонтарин муассисаҳои тиббии вилоят аст. Дар он 246 нафар табибон ва 323 нафар кормандони миёнаи тиб ба аҳолӣ хизмат мерасонанд.
Раиси вилоят ҳамзамон аз Беморхонаи клиникавии шаҳрии рақами 2 ва таваллудхонаи вилоятӣ боздид карда, барои расонидани хизматрасонии босифати тиббӣ ба аҳолӣ, сари вақт ва дақиқ гузоштани ташхис, истифодаи дастовардҳои нави соҳаи тиб, ворид намудани техникаву технологияи муосир ва дар маҷмуъ пешгирии ҳама гуна бемориҳо ва тарғиби тарзи ҳаёти солим супоришҳо дод.