29 Январь 2022
Дар гимназияи №1-и шаҳри Хуҷанд бо иштироки масъулини шуъбаи маориф, роҳбарияти муассисаҳои таълимӣ ва муовини Раиси шаҳри Хуҷанд Фируза Нуруллозода аз фаъолияти соҳаи маориф дар соли 2021 натиҷабардорӣ карда шуд.
Мудири шуъбаи маорифи шаҳри Хуҷанд Муҳайё Акмалхўҷаева аз бурду бохти соҳа дар соли 2021 маълумот дода, аз ҷумла афзуд, ки дар давраи ҳисоботӣ дар шаҳр 50 адад мактаб, 1 адад Маркази таҳсилоти иловагӣ, аз он ҷумла 27 муассисаи таҳсилоти миёнаи умумӣ, 5 литсей, 4 гимназия, 13 мактаби хусусӣ, 1 мактаб - интернати давлатӣ барои кўдакони имконияташон маҳдуди шаҳри Хуҷанд, 1 комплекс - кўдакистон мактаби махсус барои кўдакони қувваи босираашон суст ва нобино фаъолият менамояд. Шумораи хонандагони синфи 1 - 4790 нафар (2242 нафар духтарон) мебошанд. Дар муассисаҳои таълимии шаҳр 44793 нафар хонандагон (21047 нафар духтарон) ба таълиму тарбия фаро гирифта шудаанд ва 2525 нафар омўзгорон фаъолият мебаранд, ки аз онҳо 2215 нафарашон занҳо мебошанд.
Баҳри таҳкими соҳаи маорифи шаҳр бинои иловагӣ дар назди МТМУ №5, кўдакистони №35, кўдакистонҳои хусусии “Меҳросо” барои кўдакони ятим ва нимятим дар маҳаллаи Бофанда ва “Хуршеди истиқлол” дар маҳаллаи Содирхон Ҳофиз, “Мактаби Пулотов” ва “Мактаби Оксфорд” мавриди истифодабарӣ қарор дода шуданд.
Азнавсозии бинои муассисаи таҳсилоти миёнаи умумии №28 ва кўдакистони №18 оғоз ёфта, корҳои сохтмонӣ идома доранд.
Дар шаҳр 50 адад муассисаҳои таҳсилоти томактабӣ, аз ҷумла 33 кўдакистонҳои давлатӣ, 17 кўдакистонҳои хусусии «Дилоро», «Афсона», «Навбаҳор», «Офтобак», «Маркази омўзиш - Академияи бачагона», «Раҳнамо», «Раҳматулло», «Гули Ҳаёт», «Суғдиён», «Ҷаҳони орзу», «Ҳушёрак», «Парвози тобон», «Андалеб», “Хуршеди Истиқлол”, “Меҳросо” ва “Оксфорд” фаъолият менамоянд.
Дар пояи 11 адад муассисаҳои таҳсилоти миёнаи умумии №3,10,11,12,15,17,20,25,26,27 ва МТҒ “Паймон” дар Марказҳои инкишофи кўдакон 210 нафар хонандагон таълиму тарбия мегиранд.
Дар ин давра 17 адад кўдакистони хусусӣ бо саҳмгузории соҳибкорон сохта, ба истифода дода шудаанд,ки ин барои таҳкими муаммоҳои томактабӣ заминаи ояндабинона мегузорад.
Ҳамагӣ дар 50 муассисаҳои таҳсилоти томактабии шаҳр 10175 нафар кўдакон фаро гирифта шудаанд. Аз онҳо, дар кўдакистонҳои давлатӣ 7974 нафар тарбиятгиранда, дар кўдакистонҳои хусусӣ 874 нафар кўдакон тарбия мегиранд.
Дар Марказҳои инкишофи кўдакон 210 нафар ва дар кўдакистони Президентӣ 1165 нафар кўдакон таълиму тарбия мегиранд. Тибқи маълумотҳои оморӣ дар шаҳр 19679 нафар кўдакони синни томактабӣ ба қайд гирифта шудаанд, ки аз онҳо дар кўдакистонҳои шаҳр 52,0 фоизи кўдакон фаро гирифта шуда, ин нишондиҳанда сол аз сол афзоиш ёфта истодааст. Дар муассисаҳои таълимии томактабии шаҳр барои таълиму тарбияи кўдакон 468 нафар мураббиён фаъолият мебаранд.
Муҳайё Акмалхўҷаева афзуд, ки бо мақсади тақвият бахшидан ба омўзиши фанҳои дақиқ, илму техника, ихтироъкориву навоварӣ ва ташаккули тафаккури техникӣ, инчунин баланд бардоштани завқи китобхонӣ ва дар доираи озмуни «Фурўғи субҳи доноӣ китоб аст» ва «Илм-фурўғи маърифат» 60 адад маҳфилҳои «Ровиёни беҳтарин», «Шеърдўстони беҳтарин», «Техникони наврас», «Математикони ҷавон», «Барномасозон» ва «Табиатдўстони ҷавон» дар муассисаҳои таълимӣ амал намуда истодаанд.
Бо мақсади иҷрои талаботи Амрҳои Президенти Ҷумҳурии Тоҷикистон вобаста ба ташкилу баргузор намудани Озмунҳои ҷумҳуриявии «Тоҷикистон – Ватани азизи ман», «Фурӯғи субҳи доноӣ китоб аст» ва «Илм – фурӯғи маърифат», ғолибони даври шаҳрии озмунҳои мазкур дар вазъияти тантанавӣ қадрдонӣ карда шуданд.
Дар давраи ҳисоботӣ 624 нафар омўзгорони фаннӣ ва роҳбарони муассисаҳои таълимӣ аз курси такмили ихтисос ва бозомўзии кормандони соҳаи маориф гузашта, савияи дониши худро баланд бардоштанд, ки он ба ҳисоби миёна 165%-и нақшаи солонаро ташкил медиҳад.
Вобаста ба муҷаҳҳазгардонии соҳа барои муассисаҳои таҳсилоти миёнаи умумии шаҳр 168 адад компютер ва 42 адад тахтаи электоронӣ харидорӣ карда шудааст. 23 адад муассисаҳои таълимӣ бо китобхонаи электронӣ муҷаҳҳаз мебошанд.
Дар олимпиадаҳои гуногуни фаннии вилоятӣ барои синфҳои 5-11 99 нафар ва ҷумҳуриявӣ 90 нафар хонандагони шаҳри Хуҷанд сазовори ҷойҳои ифтихорӣ гардиданд. Дар олимпиадаҳои байналмилалии фаннӣ, лоиҳавӣ, фосилавӣ 762 нафар хонандагони муассисаҳои таълимии шаҳр иштирок намуда, дар олимпиадаи байналмилалии фаннӣ барои гирифтани 16 ҷойи ифтихорӣ, лоиҳавӣ ва фосилавӣ - 271 нафар сазовори ҷойҳои намоён гардиданд.
Дар соли таҳсили 2020-2021 12 нафар хонандагон бо аттестати аъло ва медали тиллою нуқра муассисаҳои таълимии шаҳрро хатм карданд.
Хатмкунандагони муассисаи таҳсилоти ғайридавлатии «Гимназияи Гёте» барои гирифтани идрорпулии (DAAD) хадамоти мубодилаи омўзгорон ва хонандагоне, ки забони немисиро меомўзанд ва идрорпулии байналмилалии Виадрина Фаст сазовор шуданд.
Дар 13-умин олимпиадаи байналмилалии дониш- 2021 - 18 нафар хонандагони Литсей барои хонандагони болаёқати шаҳри Хуҷанд ба гирифтани 1 медали тилло, 1 медали нуқра, 5 медали биринҷӣ ва 11 медали даставии нуқра ва Ҷоми Олимпиадаи байналмилалии Анталия-2021 сазовор гардиданд.
Дар соли таҳсили 2021-2022 73 нафар гирандагони Стипендияи Президентӣ ва 100 нафар гирандагони Стипендияи Раиси шаҳр мебошанд.
Сипас, Фирўза Нуруллозода, муовини Раиси шаҳри Хуҷанд ҳангоми таҳлили соҳа ба роҳбарони муассисаҳои таълимӣ ҷиҳати боз ҳам баланд бардоштани сифати таълиму тарбия, иштироки фаъолона дар олимпиадаҳои ҷумҳуриявӣ ва байналхалќӣ, сифатнок иҷро намудани талаботи Амрҳои Президенти Ҷумҳурии Тоҷикистон вобаста ба ташкилу баргузор намудани Озмунҳои ҷумҳуриявии «Тоҷикистон – Ватани азизи ман», «Фурӯғи субҳи доноӣ китоб аст» ва «Илм – фурӯғи маърифат», тарғиби худшиносиу худогоҳӣ байни хонандагону тарбиятгирандагон дастуру супоришҳои мушаххас дод.
Дафтари матбуоти
Раиси шаҳри Хуҷанд
