17 Январь 2019
Дирӯз дар шаҳри Абу Дабӣ ғолибони ҷоизаи байналмилалии ба номи Шайх Зайд бинни Султон натиҷагирӣ карда шуд. Боиси сарфарозист, ки дар қатори 10 нафар ҷоизадорони озмун хонандагони гимназияи ба номи Гётеи шаҳри Хуҷанд аз барандагони озмун эълон гардиданд. Ин имкон медиҳад, ки аз ҷониби муассисони озмун соли ҷорӣ гимназияи ба номи Гётеи шаҳри Хуҷанд бо таҷҳизоти офтобии барқтаъминкунанда таъмин карда мешавад.
Бояд қайд намуд, ки озмун дар се марҳила сурат гирифта, он ҷамъбаст шуд. Довталабони озмун лоиҳаҳои мухталифи худро доир ба наворварӣ дар таъмин намудани системаҳои мухталифи ахбор, беҳтар кардани моделҳои устувори кишоварзӣ, беҳтар кардани система ва идоракунии электрикӣ, мусоидат ба тавонмандии занон, васеъ намудани дастрасӣ ба оби тозаи ошомиданӣ, дастовардҳои инноватсионӣ дар рушди устувор ва ғайраҳо буданд. Дар маросими ҷоизасупории озмун пешвоёни собиқи ҷаҳонӣ, вазирони корҳои хориҷии Иттиҳоди Аврупо, инчунин соҳибкорони бонуфузи сатҳи ҷаҳонӣ ва хайрхоҳон иштирок доштанд.
Ҳайати ҳакамоти озмун аз миёни 31 тими довталаб 10 гуруҳро ғолиб эълон доштанд: 4 гурӯҳ аз Африқо, 1 дастаи Гватемала, 1 дастаи Амрико, 1 дастаи Филипин, 1 даста аз Ҳиндустон, 1 дастаи Тоҷикистон, 1 даста аз Аморати Муттаҳидаи Араб. Ифтихори Ҷумҳурии Тоҷикистон аст, ки дар миёни ин давлатҳо хонандагони гимназияи ба номи Гёти шаҳри Хуҷанд ғолибиятро ба даст оварданд.
Дар маросими мукофотсупорӣ хонандагони хонандагони гимназияи ба номи Гётеи шаҳри Хуҷанд Тахмина Холиқова ва Далер Дадобоев бо роҳбарии омӯзгор муассисаи мазкур Заррина Мирзошарипова изҳор доштанд, ки дар самти истифодаи манбаъҳои барқароршавандаи энергия дар муассисаҳои таълимии Тоҷикистон ба воситаи энергияи офтоб татбиқ намуда, ба ин васила хароҷоти нерӯи барқро коҳиш медиҳанд.
Бояд қайд намуд, ки ин хонандагон бо омӯзгорашон аз 14 то 19-уми январи соли 2019 дар намоишгоҳҳо ва форумҳои EXPO 2019 WFES, ки дар Абу Дабӣ аз 850 ширкатҳои 75 кишвари дунё баргузор мегардад, иштирок хоҳанд намуд.
Ёдовар мешавем, ки 12-уми декабри соли равон гуруҳи наворбардорон ва рузноманигорони телевизиони Абу Дабии Аморати муттаҳидаи Араб ба шаҳри Хуҷанд омада, оид ба таълим ва тарбияи экологӣ дар гимназияи хусусии ба номи Гётеи шаҳри Хуҷанд ва муаррифии эшон дар даври ниҳоии озмуни экологӣ навор сабт намуда буданд.
Дафтари матбуоти Раиси шаҳри Хуҷанд
