06 Декабр 2018
Дар Қасри варзиши шаҳри Хуҷанд дар асоси нақша чорабинии мақомоти иҷроияи ҳокимияти давлатии шаҳри Хуҷанд дар доираи татбиқи Барномаи давлатии "Стратегияи миллии фаъолгардонии нақши занон дар Ҷумҳурии Тоҷикистон барои солҳои 2015 -2020" ва иҷрои Қарори Раиси шаҳри Хуҷанд оид ба "Тарғиби тарзи ҳаёти солим " озмун аз руи намуди гимнастикаи бадеӣ байни наврасон гузаронида шуд.
Дар чорабинӣ мудири шуъбаи кор бо занон ва оилаи шаҳр Муяссар Сангинова ва мудири бахши кор бо ҷавонон ва варзиши мақомоти иҷроияи ҳокимияти давлатии шаҳри Хуҷанд Бахтиёр Исматчонов иштирок ва баромад намуданд. Таъкид гардид, ки таваҷҷуҳи роҳбарияти давлат ҷиҳати рушди варзиш, бахусус байни духтарон назаррас аст. Ин намуди варзиш дар миқёси вилоят танҳо дар шаҳри Хуҷанд таъсис ва рушд меёбад. Изҳори умедворӣ карда шуд, ки аз байни варзишгардухтарон ғолибони озмунҳои ҷумҳуриявию байналмиллалӣ мебароянд ва обрӯю нуфузи Тоҷикистонро дар ҷаҳон боз ҳам боло мебардоранд.Сипас, ҳар як иштирокчӣ барномаи худро бо маҳорати баланд ва омодагии махсус пешкаши ҳозирин ва аъзои ҳакамони озмун намуданд.
Дар ҷамъбаст ба 36 нафар ғолибони озмуни гимнастикаи бадеӣ диплом, медал ва туҳфаҳои хотиравии Раиси шаҳри Хуҷанд Маъруф Муҳаммадзода тақдим крада шуд.
Дафтари матбуоти
Раиси шаҳри Хуҷанд