27 Ноябр 2018
Дар факултети сиёсатшиносӣ ва муносибатҳои байналхалқии ДДҲБСТ мизи мудаввар дар мавзуъи “Пешгирии падидаҳои номатлуб дар байни ҷавонон”баргузор гардид. Дар ҷамъомад намояндагони мақомоти ҳифзи ҳуқуқ, бахши ҷавонон, бахши кор оид ба корњои дин ва танзими анъана, шуъбаи кор бо занон ва оила, хонаи ақди никоҳи шаҳри Хуҷанд иштирок намуданд.
Мизи мудаввар бо сухани ифтитоҳии декани факултет Мунира Акмалова оғоз гардид ва номбурда зикр дошт, ки ташкили чунин чорабинињо иќдоми наљим буда, ба баланд бардоштани дониши ҳуқуқии аҳолӣ, бартараф намудани қонуншиканиҳо, гирифтани пеши роҳи пошхўрии оилаҳо ва ба ин васила бунёди оилаҳои солим, баробарии иҷтимоӣ мусоидат хоњад кард.Дар идомаи мизи мудаввар сардори хадамоти пешгирии ҳуқуқвайронкуниву ҷиноятсодиркунӣ дар байни ҷавонону ноболиғони ШВКД дар шаҳри Хуҷанд Бобоҷонова Ҳ. сухан карда, дар мавриди “Вазъи ҷиноятсодиркунӣ дар байни ҷавонон ва роҳҳои пешгирии он” маълумот дод. Ӯ қайд кард, ки роҳи муҳими пешгирии ҷавонон аз қонуншиканӣ ва ҳуқуқвайронкуниву бетартибии ҷамъиятӣ ин баланд бардоштани сатҳи таълим дар муассисаҳои таълимӣ мебошад. Танҳо маърифати баланд ва дониш метавонад пеши роҳи ҷинояткориро гирифта бошад.
Њамчунин, марӯзаҳои мудири бахши ҷавонони МИҲД Б. Исматҷонов дар мавзӯи “Тадбиқи сиёсати давлатии ҷавонон ва пешгирии зуҳуроти номатлуб”, мудири шуъбаи кор бо занон ва оилаи МИҲД шаҳри Хуҷанд М. Сангинова дар мавриди “Нақши оила дар тарбияи ҷавондухтарон ва омода намудан ба оиладорӣ” ва директори хонаи ақди никоҳ Х. Хоҷазода дар мавзӯи “Никоҳ ва ҷавонон” шунида шуд.
Таъкид гардид, ки пешгирии падидаҳои номатлуб дар байни ҷавонон кори як ниҳоду идораи алоҳида набуда, танҳо фаъолияти дастаҷамъонаи бахшу шуъба ва сохторҳо метавонад ба муваффақият дастёб гардад.
Дафтари матбуоти
Раиси шаҳри Хуҷанд