05 Октябр 2018
Дар толори Мақомоти иҷроияи ҳокимияти давлатии шаҳри Хуҷанд ҷаласаи Комиссияи шаҳрии мусоидати барўйхатгирии аҳолӣ баргузор гардид.
Маъруф Муҳаммадзода гуфт, ки бо мақсади амалӣ намудани Фармони Президенти Ҷумҳурии Тоҷикистон «Дар бораи тайёрӣ ва гузаронидани барўйхатгирии аҳолӣ ва фонди манзили Ҷумҳурии Тоҷикистон дар соли 2020», қарорҳои Ҳукумати Ҷумҳурии Тоҷикистон «Дар бораи чораҷӯйи иловагӣ оид ба гузаронидани барўйхатгирии аҳолӣ ва фонди манзили Ҷумҳурии Тоҷикистон дар соли 2020» ва «Дар бораи масъалаҳои комиссияи давлатии мусоидати барўйхатгирии аҳолӣ» ба тавсиб расид. Тибқи қарорҳои қабулкардаи Ҳукумати Ҷумҳурии Тоҷикистон ва дар асоси онҷо қарорҳои ба тавсиб расидаи Раиси вилояти Суғд аз 17 ноябри соли 2017, № 15 “Дар бораи тайёрӣ ва гузаронидани барўйхатгирии аҳолӣ ва фонди манзили вилояти Суғд дар соли 2020”, аз 17 январи соли 2017, №15 “Дар бораи чораҳои иловагӣ оид ба гузаронидани барўйхатгирии аҳолӣ ва фонди манзили вилояти Суғд дар соли 2020” ва аз 9 октябри соли 2017, № 484 “Дар бораи масъалаҷои комиссияи вилоятии мусоидати барўйхатгирии аҳолӣ” мақомоти иҷроияи ҳокимияти давлатии шаҳри Хуҷанд қарорҳои Раиси шаҳри Хуҷанд аз 24 декабри соли 2015, № 899 «Дар бораи тайёрӣ ва гузаронидани барўйхатгирии аҳолӣ ва фонди манзили шаҳри Хуҷанд дар соли 2020», аз 06 феврали соли 2017, № 53 «Дар бораи чораҳои иловагӣ оид ба гузаронидани барўйхатгирии аҳолӣ ва фонди манзили шаҳри Хуҷанд дар соли 2020» ва аз 23 октябри соли 2017, № 588 «Дар бораи масъалаҳои комиссияи вилоятии мусоидати барўйхатгирии аҳолӣ» ба тавсиб расониданд, ки иҷроиши он ба зиммаи сохторҳои дахлдори шаҳрӣ гузошта шудааст.
Иттилоъ дода шуд, дар қарори зикршуда вазифаҳои аввалиндараҷаи КВДК «Сарраёсати ободонӣ ва хоҷагию манзилӣ ва коммуналӣ», шўъбаи Вазорати корҳои дохилии Ҷумҷурии Тоҷикистон дар шаҳри Хуҷанд, Кумитаи идораи замини шаҳр, шуъбаи меъморӣ ва шаҳрсозии мақомоти иҷроияи ҳокимияти давлатии шаҳр, котиби матбуоти Раиси шаҳр, бахши фарҳанг, рўзномаи шаҳрии “Тирози ҷаҳон”, филиали Ҷамъияти саҳҳомии кушодаи “Тоҷиктелеком”-и минтақаи шаҳри Хуҷанд, комиссариати ҳарбии шаҳр, ситод оид ба ҳолатҳои фавқулодда ва мудофиаи граждании шаҳри Хуҷанд ва дигар сохторҳо, барои иҷрои корҳои давраи тайёрӣ муайян карда шудааст.
Сипас, сардори раёсати омори шаҳри Хуҷанд, котиби Комиссияи шаҳрии мусоидати барўйхатгирии аҳолии шаҳри Хуҷанд дар соли 2020, Садриддин Исомадинӣ баромад карда аз ҷумла афзуд, ки бо мақсади татбиқи қарорҳои Ҳукумати Ҷумҳурии Тоҷикистон аз ҷониби Раиси вилояти Суғд ва дар асоси он қарорҳои Раиси шаҳри Хуҷанд барои иҷрои корҳои тайёрӣ ва гузаронидани барўйхатгирии аҳолӣ ва фонди манзил, қарорҳои дахлдор қабул гардидаанд, ки иҷроиши он ба зиммаи сохторҳои дахлдори шаҳрӣ гузошта шудааст.
Тибқи қарори Раиси шаҳри Хуҷанд аз 23 октябри соли 2017, № 588 “Дар бораи масъалаҳои комиссияи вилоятии мусоидати барўйхатгирии аҳолӣ” барои ҳамоҳангсозии фаъолияти ташкилоту идораҳо ва назорати рафти иҷрои Фармони Президенти Ҷумҳурии Тоҷикистон ва қарорҳои Ҳукумати Ҷумҳурии Тоҷикистон аз рўи масъалаҳои барўйхатгирии аҳолӣ, иҷрои чорабиниҳо оид ба ташкил ва гузаронидани корҳои аввалиндараҷаи вобаста ба ташкил ва гузаронидани барўйхатгирии аҳолӣ, комиссияи шаҳрии мусоидати барўйхатгирии аҳолӣ таъсис дода шуд. Комиссияҳои мусоидати барўйхатгирии аҳолӣ дар ҷаласаҳои худ иҷрои вазифаҳои аввалиндараҷаи сохторҷои шаҳриро баррасӣ намуда, барои сари вақт иҷро намудани вазифаҳои аввалиндараҷа, чораҳо меандешанд. Мувофиқи нақшаи чорабиниҳои Комиссияи мазкур ташкили корҳои муайянкунии номгўи кўчаҳои маҷаллаҳои дохилишаҳрӣ ва сарҳади онҳо идома дорад. Ҳамчунин бо мақсади иҷрои қарори Раиси шаҳр “Дар бораи чораҷои иловагӣ оид ба гузаронидани барўйхатгирии аҳолӣ ва фонди манзили шаҳри Хуҷанд дар соли 2020” раёсати омор нишондод ва шаклҳои муваққатии ҳисоботиро оид ба пешниҳод намудани маълумотҳо дар бораи рафти иҷроиши корҳои тайёрӣ ба барўйхатгирии аҳолӣ ва фонди манзили шаҳри Хуҷанд дар соли 2020 шурўъ аз моҳи сентябри соли 2017 ворид намуд. Тибқи шаклҳои ҳисоботии мазкур оид ба рафти корҳои ба тартиб даровардани номи кўчаҳо, рақами хонаҳо дар манзилҷои маҳалҳои шаҳрӣ, лавҳаю рақамгузорӣ, тартиб додани нақшаҳои схематикии маҳалҳои шаҳрӣ ва харитаи шаҳр ва бо роҳи сартосар гаштан дурустӣ ва пуррагии баҳисобгирии ҷории аҳолиеро, ки дар хонаҳои истиқоматӣ ва ғайриистиқоматии маҳалҳои шаҳрӣ зиндагӣ мекунанд, маълумот пешниҳод карда шуд.
Садриддин Исомаддинӣ гуфт, ки барои иҷрои вазифаҳои аввалиндараҷаи корҳои тайёрӣ барои гузаронидани барўйхатгирии аҳолӣ ва фонди манзили соли 2020 масъулини мақомоти иҷроияи ҳокимияти давлатии шаҳри Хуҷанд вазифадор ҳастанд, ки сарҳади байни маҳаллаҳои шаҳрро аниқ намуда, номи кўчаҳо, рақами биноҳои истиқоматӣ ва ғайриистиқоматиро дар манзилҳои маҳалҳои шаҳрӣ ба тартиб дароранд ва дар онҷо лавҳаю рақам гузоранд. Таҳлилҳо нишон медиҳанд, ки дар ин самт корҳо дар сатҳи шаҳр оғоз гардида марҳила ба марҳила ба анҷом расонида мешавад. Мақсад ва зарурати ба тартибдарории номи кўчаҳо, рақамгузории маҳаллаҳо, хонаҳои истиқоматӣ, ҳуҷраҳо ва биноҳои ғайриистиқоматию ёрирасон дар маҳалҳои аҳолинишини ҳудуди шаҳрӣ, ин; таъмини кори самараноки ёрии таъҷилии тиббӣ, кори шўъбаҳои алоқа, хадамотҳои садамавӣ, корхонаҳои манзилию коммуналӣ, расонидани хизматрасониҳои гуногун ба аҳолӣ ва гузаронидани ҳар гуна тадқиқотҳою барўйхатгирии аҳолӣ ва фонди манзил мебошад.
Ба ҳамагон маълум аст, ки соли 2018 дар Ҷумҳурии Тоҷикистон “Соли рушди сайёҳӣ ва ҳунарҳои мардумӣ” эълон шудааст ва ташрифи сайёҳон ба вилоят сол аз сол афзоиш ёфта истодааст.
Иттилоъ дода шуд, ки асосан корҳои тайёр намудани маводҳои картографӣ, пас аз пурра ба тартиб даровардани номи кўчаҳо ва рақами хонаҳо оғоз мегарданд, зеро дар маводҳои харитавӣ ҳар як хонаҳои истиқоматӣ ва ғайриистиқоматӣ бо суроға нишон дода мешавад. Кори тартиб додани маводҳои картографӣ дар тамоми давраи тайёрӣ ба барўйхатгирии аҳолӣ ва фонди манзил бо дарназардошти ҳамаи тағйиротҳои ба вуқуъомада то муҳлати пешбинишуда гузаронида мешавад. Муваффақияти корҳои тайёрӣ ба барўйхатгирии аҳолӣ ва фонди манзил ба андозае аз таъмини саривақтии маводҳои картографии босифат вобастагӣ дорад. Мақомоти омор дар шаҳри Хуҷанд маводҳои картографиро барои нишонаи маҳалро дарёфт намудан, тақсим намудани ҳудуди шаҳр ба шуъбаҳои барўйхатгирӣ, қитъаҳои дастурдиҳанда-назоратчӣ, қитъаҳои барўйхатгирӣ ва тартиб додани нақшаҳои ташкилии гузаронидани барўйхатгирии аҳолӣ дар сатҳи шаҳр истифода мебаранд.
Дар анҷоми чорабинӣ аз ҷониби Раиси шаҳри Хуҷанд Маъруф Муҳаммадзода ба аъзоёни коммисия вазифагузориҳо карда шуд.
Дафтари матбуоти
Раиси шаҳри Хуҷанд
