(0 овоз, миёна 0 аз 5)

altМуҳтарам Шавкат Миромонович,

Муҳтарам намояндагони воситаҳои ахбори омма,

Пеш аз ҳама, мехоҳам зикр намоям, ки дар натиҷаи сафари давлатии имрӯзаи Президенти Ҷумҳурии Ӯзбекистон муҳтарам Шавкат Миромонович ба кишварамон мо ба ҳалли таърихии маҷмӯи масъалаҳои муҳими дуҷонибаи рӯзномаамон расидем.

Суҳбати созанда ва муфассал оид ба доираи васеи масъалаҳои ҳамкории Тоҷикистону Ӯзбекистон ва дурнамои рушди онҳо дар фазои комилан ҳамдигарфаҳмӣ сурат гирифт.

Аз рӯи натиҷаи мулоқоту музокирот мо бастаи муҳими санадҳои дуҷонибаро, ки тақрибан аз 30 созишнома иборат мебошанд ва аксари соҳаҳои калидии ҳамкории Тоҷикистону Ӯзбекистонро дар бар мегиранд, ба имзо расонидем.

Ин баста фарогири муносибатҳои тиҷоратию иқтисодӣ ва фарҳангиву гуманитарӣ, инчунин соҳаҳои мудофиа ва амнияти мо мебошад.

Мо имрӯз қариб ҳамаи масъалаҳои давоми беш аз 20 сол ҷамъшударо ҳал намудем.

Мутмаинам, ки натиҷаҳои сафари таърихии муҳтарам Шавкат Миромонович ба Тоҷикистон ба рушди босуръат ва ҳамаҷонибаи тамоми маҷмӯи муносибатҳоямон дар асоси дарозмуддат такони сифатан нав мебахшанд.

Дар ин замина, бо хушнудии бузурге мехоҳам изҳор дорам, ки аз ҷониби мо қарорҳои ниҳоят муҳим оид ба содагардонидани низоми раводид ба муҳлати то 30 рӯз ва тадриҷан барқарор намудани фаъолияти ҳамаи шонздаҳ нуқтаҳои гузаргоҳӣ дар сарҳади байни ду кишвар қабул гардиданд.

Қарорҳои мазкур, ки онҳоро мардумони бародари мо солҳои зиёд интизор буданд, ба манфиати онҳо ҷавобгӯ мебошанд.

Доир ба иқдомҳои муштарак ҷиҳати ҳарчи зудтар пурра барқарор намудани фаъолияти роҳҳои оҳан, мошингард ва ҳавоӣ, инчунин доир ба паст намудани тарифҳо барои интиқоли транзитӣ ба мувофиқа расидем.

Дар робита ба ин, мехоҳам аҳамияти барқарорсозии фаъолияти роҳи оҳани қитъаи Ғалаба - Амузангро зикр намоям.

Имрӯз мо бо муҳтарам Шавкат Миромонович дар фазои тантанавӣ ин қитъаи роҳро ба истифода хоҳем дод.

Ин, бешубҳа, руйдоди муҳим аст, зеро дар баробари афзоиши гардиши боркашонӣ миёни кишварҳоямон ва густариши робитаҳои тиҷоратию иқтисодӣ барои пешрафти ҳаёти иҷтимоиву иқтисодии минтақаҳои ҷанубии Тоҷикистон, ки шумораи аҳолии онҳо зиёда аз се миллион нафар мебошад, замина фароҳам меорад.

Дар айни ҳол роҳҳои мустақими ҳавоӣ миёни пойтахтҳои кишварҳоямон фаъоланд ва бо шарофати санадҳои дуҷонибаи имрӯз баимзорасида дар ояндаи наздик робитаҳои ҳавоӣ ва автомобилӣ миёни дигар шаҳрҳо низ барқарор хоҳанд шуд.

Ин тағйироти мусбии соҳаҳои нақлиёт ва коммуникатсия барои таҳкими тамоми маҷмӯи муносибатҳои мутақобилаи мо шароити мусоид фароҳам меоранд.

Имрӯз шарикии байнидавлатии мо бомуваффақият рушд меёбад, робитаҳо дар сатҳи ҳайатҳои расмӣ ва гурӯҳҳои кории гуногун, доираҳои соҳибкорӣ ва ходимони фарҳангӣ хусусияти мунтазам касб мекунанд.

Мо минбаъд низ барои густариши мутақобилаи робитаҳои тиҷоратию иқтисодӣ ва фарҳангиву гуманитарӣ тадбирҳои муассир меандешем.

Зикр кардан боиси хушнудист, ки гардиши савдои хориҷӣ миёни Тоҷикистону Ўзбекистон дорои тамоюли рушди устувор мебошад.

Вақтҳои охир ҳаҷми он шаш маротиба афзуд.

Солҳои наздик, мо тасмим дорем, ки савдои мутақобиларо то ним миллиард доллари ИМА расонем.

Имрӯз дар шаҳри Душанбе форуми доираҳои соҳибкорӣ кори худро оғоз менамояд ва намоишгоҳи маҳсулоти саноатии Ӯзбекистон, ки ҷузъи муҳими Барномаи сафари Президенти Ҷумҳурии Ӯзбекистон ба Тоҷикистон мебошад, ифтитоҳ меёбад.

Умедворем, ки натиҷаҳои ин чорабиниҳо барои ҳамкории мутақобилаи самараноки мо дар бахшҳои ояндадори иқтисодиёт заминаи иловагии боэътимод мегарданд ва барои рушди минбаъдаи ҳамкории тиҷоратию сармоягузории ҳарду кишвар шароити мусоид фароҳам меоранд.

Мо муҳимияти рушди ҳамкории байниминтақавии ду кишварро, ки бо имзои созишномаи алоҳида мустаҳкам гардидааст, зикр намудем.

Мо итминон бар он дорем, ки рушди робитаҳо миёни минтақаҳои давлатҳоямон имкон медиҳанд ҳамкории тиҷоративу иқтисодиамонро ҷоннок намоем.

Мо қариб ҳамаи масъалаҳои ҳалношудаи вобаста ба сарҳадро мувофиқа намудем.

Имзои Созишнома оид ба қитъаҳои алоҳидаи Сарҳади давлатӣ аҳамияти стратегӣ дошта, барои ба сатҳи нави шарикӣ баровардани муносибатҳоямон шароит фароҳам меорад.

Зимни мулоқоту музокирот зарурати тақвияти минбаъдаи ҳамкорӣ дар соҳаи фарҳанг ва гуманитарӣ таъкид гардид.

Мо масъалаҳои ҳифзи мероси маънавӣ ва фарҳангии ду халқи бародар ва фароҳам овардани шароити мусоид барои ба роҳ мондани робитаҳо миёни ходимони фарҳангӣ, илмӣ ва маорифро баррасӣ намудем.

Дар ин замина, гап дар бораи тарҷумаи адабиёти классикӣ ва муосир ба забонҳои ду давлат, инчунин дар бораи мутаносибан ба роҳ мондани омӯзиш ва таълими забонҳои ӯзбекӣ ва тоҷикӣ дар Тоҷикистон ва Ӯзбекистон мерафт.

Ҷонибҳо минбаъд низ барои ҷоннок намудани ҳамкорӣ дар ин соҳа кӯшишҳо ба харҷ медиҳанд.

Мо оид ба доираи васеи масъалаҳои минтақавӣ ва байналмилалӣ суҳбати пурмуҳтаво доштем, ки зимни он муносибатҳоямонро ба масъалаҳои барои Осиёи Марказӣ мубрам муқоиса намудем.

Оид ба масъалаҳои ҳамкории зич дар самти истифодаи оқилона ва ҳамаҷонибаи захираҳои обу энергетикӣ, бо назардошти манфиатҳои ҳамаи кишварҳои минтақа, ҳамдигарфаҳмӣ ҳосил гардид.

Мо оид ба он, ки иншооти гидроэнергетикии мавҷуда ва сохташудаистода ба ҳалли мушкилоти обию энергетикии минтақа мусоидат менамоянд, ҳамфикр будем.

Дар ин замина, мо доир ба таҳкими ҳамкорӣ дар мубориза бар зидди таҳдидҳо ва хатарҳои муосир ба мувофиқа расидем.

Мо оид ба ҳамкории минбаъда дар соҳаҳои амният ва мудофиа созишномаҳо имзо намудем.

Ин санадҳо тартиби ҳамкории мутақобилаи наздиктари мақомоти ҳифзи ҳуқуқ, мудофиа ва хадамоти махсуси ду давлатро дар таъмини сулҳу субот дар кишварҳоямон ва дар маҷмӯъ дар минтақаро муайян мекунанд.

Дар доираи музокироти имрӯза, мо оид ба мушкилоти Афғонистон мубодилаи афкор намуда, ақидаҳои ҳамсонро дар бораи ҳодисаҳои дар ин кишвари ҳамсоя рухдиҳанда таъкид намудем.

Мо талошҳоро дар самти барқарор намудани сулҳ ва ризоият дар Афғонистон истиқбол намуда, дар ин раванд ҳамагуна дастгириро ба мардуми Афғонистон идома медиҳем.

Созишҳое, ки дар ҳамаи самтҳои зикршуда ба даст омаданд, дар Изҳороти муштараки ду президент, ки дар ВАО нашр мешаванд, ба таври муфассал дарҷ гардидаанд.

Танҳо ҳаминро зикр мекунам, ки дар маҷмӯъ, мо оид ба зарурати тақвияти ҳамкории мутақобилаи кишварҳоямон, ҳам дар сиғаи дуҷониба ва ҳам бисёрҷониба ҳамфикр будем.

Бо назардошти ин натиҷаҳои мусбӣ, мо музокироти сатҳи баланди имрӯзаро ҳамчун оғози марҳилаи нави таърихӣ дар муносибатҳои дӯстона ва ҳамкории бисёрҷанбаи Тоҷикистону Ӯзбекистон арзёбӣ менамоем.

Дар робита ба ин, мехоҳам саҳми муҳими муҳтарам Шавкат Миромоновичро барои фароҳам овардан ва ташаккули шароити зарурӣ ҷиҳати ба маҷрои сифатан нав баровардани ҳамкориҳои мутақобилаамон махсус таъкид созам.

Ибтикороти Шумо дар ин самт ба беҳтар шудани робитаҳои мутақобилаамон дар ҳамаи масъалаҳои калидии рӯзномаи муносибатҳои Тоҷикистону Ӯзбекистон мусоидат мекунад.

Барои ин кӯшишҳо аз номи Ҳукумат ва мардуми Тоҷикистон ба Шумо миннатдории самимона изҳор медорам.

Аз рӯзҳои нахустини оғоз намудани фаъолият дар ин мақом дӯсти азиз ва бародарам Шавкат Миромонович, ҳамчун ҷонибдори боэътиқоди таҳкими муносибатҳо бо ҳамсояҳо дар минтақа, ҷиҳати фароҳам овардани замина барои рушди мунтазам ва бисёрҷанбаи муносибатҳои мутақобилаамон ҳар чиро ки аз ӯ вобаста буд, анҷом дод.

Мехоҳам онро низ зикр намоям, ки тағйироти мусбие, ки дар як давраи кӯтоҳ таҳти роҳбарии Шумо,  Шавкат Миромонович дар Ӯзбекистон ба амал омад, дар Тоҷикистон ҳамаро хушҳол мекунанд.

Ба Шумо саломатии бардавом, барои расидан ба ҳадафҳои гузошташуда муваффақиятҳои нав, инчунин ба мардуми бародари Ӯзбекистон сулҳу некӯаҳволӣ ва шукуфоии минбаъдаро таманно дорам.

Дар ин бора аз Хадамоти матбуоти Президенти Ҷумҳурии Тоҷикистон иттилоъ доданд.

Дафтари матбуоти
Раиси шаҳри Хуҷанд

Шарҳ додан


Защитный код
Нав кардан

Муовинони Раиси шаҳр

Ғайбуллозода Х. Ғайбуллозода Х. Муовини аввали Раиси шаҳрХайрулло  Ғайбуллозода бо қарори Раиси шаҳр таҳти №281 аз 2 июни соли 2016 муовини якуми Раиси шаҳри Хуҷанд таъин г...
Фирӯза Нуруллозода Фирӯза Нуруллозода Муовини Раиси шаҳрФирӯза Нуруллозода 9 феврали соли 1983 дар шаҳри Хуҷанд таваллуд шудааст. Соли 2004 Донишгоҳи давлатии Хуҷанд ба номи акад...
Раҳматзода А.А. Раҳматзода А.А. Муовини Раиси шаҳрРаҳматзода Аюбҷон Алиҷон 7-уми августи соли 1974 шаҳри Хуҷанд таваллуд шудааст. Миллаташ тоҷик, маълумот олӣ. Соли 1997  Д...
Абдуқаюмзода Ҷ. А. Абдуқаюмзода Ҷ. А. Муовини Раиси шаҳрҶамшед Абдуқаюмзода Алиҷонӣ 16 феврали соли 1976 дар шаҳри Хуҷанд ба дунё омада, баъди хатми мактаби миёна ба Донишгоҳи да...
Ҳомидзода А.А. Ҳомидзода А.А. Роҳбари Дастгоҳи Раиси шаҳрАбдуваҳҳоб Ҳомидзода  8-уми июни соли 1978 дар шаҳри Хуҷанд таваллуд ёфтааст. Миллаташ тоҷик, маълумоташ олӣ. Сол...

Роҳбарони сохторҳо

Ишонқулов Ғ. С. Ишонқулов Ғ. С. Ишонқулов Ғайрат Саидбекович 25-уми  феврали соли 1981 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли ...
Алимов У.С. Алимов У.С. Алимов Усмон Собирҷонович 20-уми майи соли 1958 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1979 Донишгоҳи да...
Ҷӯраева К.Я. Ҷӯраева К.Я. Ҷӯраева Кибриё Яҳёевна 9 сентябри соли 1966 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли 1997 Донишг...
Исматҷонов Б.Ҳ. Исматҷонов Б.Ҳ. Исматҷонов Бахтиёр Ҳусейнович 31-уми  майи соли 1982 дар шаҳри Хуҷанд таваллуд шудааст. Миллаташ тоҷик. Соли 2004 Донишгоҳи давлатии Хуҷанд ...
Миробидова М.М. Миробидова М.М. Миробидова Муаттар Мирмуҳамадовна 24 июни соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Донишгоҳ...
Миркамолов М. Н. Миркамолов М. Н. Миркамолов Муҳсин Насруллоевич 10-уми ноябри соли 1959 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 1980 Донишгоҳ...
Ҷамшед Набизода Ҷамшед Набизода Ҷамшед Набизода 9-уми майи соли 1981 дар шаҳри шаҳри Хуҷанд таваллуд ёфтааст. Миллаташ тоҷик. Соли 2003 Донишгоҳи давлатии ҳуқуқ, бизнес ва ...
Расулзода Р.Р. Расулзода Р.Р. Расулзода Раҳим Расул 20-уми июли соли 1978 дар шаҳри Хуҷанд таваллуд шудааст. Миллаташ тоҷик. Маълумоташ олӣ. Соли 2000 Донишгоҳи давлатии ...
Муҳаммадзода М. М. Муҳаммадзода М. М. Муҳаммадзода Мӯъмин Муҳаммад. 15-уми июни соли 1958  дарр   шаҳри Хуҷанд   таваллуд ёфтааст. Соли 1981 Донишкадаи политехникии Тоҷикистонро ...
Бобозода Т. К. Бобозода Т. К. Бобозода Толиб Карим 1-уми  августи соли 1968 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1994 Донишкадаи пол...
Ёрматов А. Р. Ёрматов А. Р. Ёрматов Абдухалил Рустамович 3-уми феврали соли 1976 дар шаҳри Хуҷанд таваллуд ёфтааст. Миллаташ тоҷик, маълумоташ олӣ, соли 1998 Филиали до...
Бойматов Ф. М. Бойматов Ф. М. Бойматов Фирдавс Мақсудович 26-уми январи соли 1981 дар шаҳри Хуҷанд таваллуд ёфтааст. Миллаташ тоҷик, маълумот олӣ, соли 2005 Донишгоҳи дав...
Самадов С.А. Самадов С.А. Самадов Сӯҳробҷон Абдусамадович 29-уми декабри соли 1976 дар шаҳри Хуҷанд таваллуд ёфтааст. Миллаташ тоҷик, маълумот олӣ. Соли 1998 филиали ...
Собитова М. А. Собитова М. А. Собитова Мунзифа Аҳмадовна 14-уми  сентябри соли 1960 дар шаҳри Хуҷанд таваллуд ёфтааст. Миллаташ тоҷик, маълумот олӣ, соли 1982 Донишгоҳи д...
 Бобоҷонзода А. Бобоҷонзода А. Бобоҷонзода Абдусалом 27-уми декабри соли 1966 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ, соли 1992 Донишг...
Юсупов М. З. Юсупов М. З. Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад. Соли 1999 ба шуъбаи рӯзноманигор...
Сангинова М. А. Сангинова М. А. Сангинова Муяссар Абдуқаҳоровна 15 октябри соли 1979 дар шаҳри Хуҷанд таваллуд шудааст. Миллаташ тоҷик. Таҳсилот олӣ. Соли 2002 Донишгоҳи да...
Раҳимхӯҷаев М. А. Раҳимхӯҷаев М. А. Раҳимхӯҷаев Музаффар Анварович 8 августи соли 1982 дар шаҳри Хуҷанд таваллуд шудааст. Маълумоташ олӣ. Миллаташ тоҷик. Соли 2003 Донишгоҳи да...
Маликисломов Н. Н. Маликисломов Н. Н. Насим Маликисломов 23 октябри соли 1986 дар шаҳри Хуҷанд, дар оилаи хизматчӣ ба дунё омадааст. Соли 1994 ба мактаби таҳсилоти умумии №18-и ш...

Ташрифкунандагон

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз1117
mod_vvisit_counterРӯзи гузашта951
mod_vvisit_counterҲамин ҳафта6765
mod_vvisit_counterҲафтаи гузашта6963
mod_vvisit_counterҲамин моҳ23408
mod_vvisit_counterМоҳи гузашта27817
mod_vvisit_counterҲамагӣ1160179