(0 овоз, миёна 0 аз 5)

Фаъолияти пурсамари 190 комиссияи ҷамъиятии танзимДар толори маҷлиси Мақомоти иҷроияи ҳокимияти давлатии шаҳри Хуҷанд маҷлиси ҳисоботии комиссияи доимӣ оид ба танзими анъана ва ҷашну маросим тӯли соли 2017 доир гардид.

Маҷлисро муовини аввали Раиси шаҳри Хуҷанд Хайрулло Ғайбуллозода оғоз намуд ва маълум сохт, ки дар маҷлис аъзои комиссия, раисони маҳаллаҳо, ва масъулони ба комиссия мансуб ширкат доранд.

Мудири бахш оид ба корҳои дин, танзими анъана ва ҷашну маросими миллӣ Муҳсин Миркамолов ба ҳозирин аз фаъолият солонаи бахш ҳисобот дод ва зимни сухан изҳор дошт, ки даҳ сол муқаддам бо пешниҳоди Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон раванди рӯзгори мардум ва анъанаву маросими халқӣ омӯхта шуд ва бо мақсади ба танзим даровардани тӯю маърака ва маросим санади миллӣ Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ба тасвиб расид. Қонуни номбурда он ҳангом ягона қонуне дар ҷаҳон буд, ки барои бунёди ҷомеаи солим ва танзими ҷашну маросим равона карда шудааст. Бо қабули Қонуни мазкур давлати мо ба танзими муҳимтарин рукнҳои ҳаёти иҷтимоӣ, анъана ва маросими миллию динӣ рӯ оварда, барои мувофиқ намудани баргузории онҳо бо назардошти сатҳи иқтисодии оилавӣ ва дар як маврид ҳимояи ҳуқуқу озодиҳои шаҳрвандон замина гузошт.

Тавре Пешвои муаззами миллат таъкид намуданд, қонуни мазкур барои ҳифзи арзишҳои фарҳанги миллӣ асос гузошт, суннатҳои милливу мардумиро ба танзим даровард, анъана ва ҷашну маросими миллиро мушаххасу дақиқ намуд, пеши роҳи хурофоту таассуб, худнамоию зоҳирпарасӣ ва исрофкорию зиёдаравиро гирифт ва ба ҷорӣ гардидани низоми ягонаи баргузории чорабиниҳои милливу мардумӣ роҳ кушод. Тӯли ин даҳ сол татбиқи қонуни мазкур ба шаҳрвандон имкон фароҳам овард, ки воқеан, пеши роҳи зиёдаравӣ дар баргузории тӯю маъракаҳо гирифта шавад, маърифати мардум дар ин хусус баланд гардад.

Бояд зикр намуд, ки –афзуд Муҳсин Миркамолов,- баҳри амалишавии  Қонуни мазкур қарори Раиси шаҳри Хуҷанд, 8 апрели соли 2015, №284 «Дар бораи дар ҳайати нав тасдиқ намудани комиссияи доимӣ оид ба танзими анъана ва ҷашну маросими  Мақомоти иҷроияи ҳокимияти давлатии шаҳри Хуҷанд» қабул гардид ва комиссияи доимӣ ва аъзои он тибқи низомнома фаъолияти пурсамар бурда истодаанд.

Ташкили комиссияи ҷамъиятӣ дар ҳамаи кумитаҳои маҳаллаҳо, корхонаву муассисаҳои давлатӣ ва щайридавлатие, ки  зиёда аз 30 нафар корманд доранд, ба манфиати кор гардид. Масалан, агар ба рақамҳои оморӣ назар андозем, соли 2007 миқдори комиссияҳои ҷамъиятӣ  60 ададро ташкил карда  бошад, ҳоло ин миқдор ба 190 адад расидааст.

Инчунин, масъулини бахш баҳри татбиқи моддаи 51-и қонуни мазкур дар 86 корхонаву муассисаҳои вилоятиву шаҳрии шакли моликияташон гуногун вохӯриҳо доир намуда, аз таъсиси комиссияи ҷамъиятии танзими анъана ва ҷашну маросим сухан карданд ва тавсияҳои муфид доданд.

Тибқи ҳисоботи оморӣ дар шаҳри Хуҷанд давоми соли гузашта  2716 адад маърака ба қайд гирифта шуда, нисбат ба соли пешин 166 маърака зиёд мебошад.  Аз таҳлилҳо бармеояд, ки маъракаҳо зиёд ба қайд гирифта шуда бошад ҳам, аммо хароҷот нисбати соли пешин кам гаштааст, яъне мардум ифодаи шоирро, ки:

Ба харҷу дахли худ, ҳар дам назар кун!

Чу дахлат нест, харҷ оҳистатар кун!,

аст хуб ба кор бурда истодааст.

Бо вуҷуди он, ҳангоми назоратҳои санҷишӣ  18 ҳолати вайрон ва риоя накардани талаботи Қонуни Ҷумҳурии Тоҷикистон “Дар бораи танзими анъана ва ҷашну маросими Ҷумҳурии Тоҷикистон”-ро ошкор гардида, нисбати  вайронкунандагони қонун парвандаи ҳуқуқвайронкунии маъмурӣ тартиб дода шуда, ба Суди шаҳри Хуҷанд ирсол карда шудааст.

Дар асоси нақша амалиёти санҷишӣ аз рафти баргузории тӯю маъракаҳо ба роҳ монда шуда, он идома дорад.

Ба муносибати ҷашнҳои расмӣ ва ба истифода додани иншооти нав бо ҷалби соҳибкорони саховатманд хатнасури 174 нафар кӯдаки ятиму бепарастор аз Хона-интернати кӯдакон ва оилаҳои камбизоат гузаронида шуд.

Комиссия ҷиҳати баланд бардоштани маърифати ҳуқуқии шаҳрвандон ҳамкориро бо ВАО мустаҳкам намуд, ки дар амалӣ шудани қонуни мазкур нақши муҳим дорад.-арз дошт Мӯҳсин Миркамолов дар фуроварди ҳисобот.

Баъдан, баҳри тақвияти ҳисобот Муяссар Сангинова, мудири шуъбаи кор бо занон ва оила ба сухан баромад ва изҳор дошт, ки воқеан, соли сипаригашта шуъба баҳри боз ҳам дастрастар гардидани қонуни болозикр бо тағйиру иловаҳояш ба мардум, силсилаи вохӯриҳо дар маҳаллаҳои Навбаҳор, Суғдиён, Хуҷанд, Содирхон Ҳофиз, 1-Май, Тути калон, Сари баландӣ, Мевағул, Темурмалик доир кард. Ҳамзамон, тибқи ҷадвали баргузории амалиёти назоратӣ аъзои комиссияи доимӣ рӯзҳои шанбеву якшанбе аз доиршавии тӯю маъракаҳои шаҳрвандон назорат бурда, ба чунин хулоса омад, ки воқеан, фарҳанги барпосозии маъракаи хонадоршавии ҷавонон тадриҷан боло рафта истодааст. Ҷонибҳо дар такя ба қонун ба як маслиҳат омада, бо баргузории як тӯй оилаҳои ҷавонро ташкил карда истодаанд. Мусаллам аст, ки мақсади қонуни мазкур ҳимояи манфиатҳои иҷтимоии мардум, мусоидат барои  коҳиш додани сатҳи камбизоатӣ ва гирифтани пеши роҳи хароҷоти зиёдатӣ мебошад.

Ҳоҷӣ Ҳусайн Мӯсозода, сархатиби Масҷиди ҷомеи марказии Шайх Маслиҳатдин оид ба рафти иҷрои қонуни зикршуда аз нигоҳи дини ислом сухан кард ва изҳори нигаронӣ намуд, ки шаҳрвандон бо баъзе амалҳои нодурусти худ шаъну шарафи ҷавонмарди оиладоршавандаро паст мекунанд. Ҷавон зан мегирад ва ҷиҳози заруриро ба мисли рахтхобу мебели дигар бояд худ бихарад. Дар муқоиса бо дигар шаҳру навоҳии вилоят, шаҳри Хуҷанд пешқадамтар аст ва дар баргузории батанзими маъракаҳо дар қатори аввал меистад.

Хуршедахон Хоҷазода, мудири Хонаи ақди никоҳи шаҳр ба ҳозирин маълумот дод, ки соли 2017-ум Хонаи ақди никоҳ қайди давлатии никоҳи 1590 ҷуфт ҷавонро доир намуд ва афзуд, ки мувофиқи қонун, ҳар ҷавони ба синни 18 расида ҳуқуқ дорад оила барпо намояд. Мутаассифона, навхонадорон барои бекор кардани ақди никоҳ низ меоянд, ки  сабабҳои асосии он солим набудани яке аз ду ҷавон, тангии вазъи иқтисодии оила, авлавият доштани чизу чора аз муносибатҳои неки инсонӣ ва ғайра мебошанд. Баҳри бартараф намудани чунин нофаҳмиҳо Хонаи ақди никоҳ якҷоя бо намояндагони фаъоли сохторҳои марбута бо сокинони маҳаллаҳову донишҷӯёни донишгоҳҳо машварату мулоқотҳо доир намуда, манфиатҳои шаҳрвандии ононро аз нигоҳи қонунҳои амалкунанда ҳимоя мекунад. Пешниҳод намудем, ки ҷавонон қабл аз додани ариза барои қайди никоҳ аввал аз муоинаи тиббӣ гузаранд, то минбаъд дар миёни онҳо муноқишаҳо сар назананд. Маҳз “Маркази солим”, ки дар назди Хонаи ақди никоҳ амал мекунад, чунин тарғиботро мебарад.

Сипас, раисони маҳаллаҳо ба Ҳоҷӣ Ҳусайн Мӯсозода дар хусуси хутбаи никоҳро хондани баъзе имомхатибон бе маълумотномаи сабти давлатии никоҳ савол карданд ва посухи мушаххас гирифтанд.

Дар фарҷом бо пешниҳоди Хайрулло Ғайбуллозода аъзои комиссияи доимӣ нақшаи фаъолиятро дар соли 2018 тасдиқ намуд.

М.ВОСИТЗОДА,
“Тирози ҷаҳон”

Шарҳ додан


Защитный код
Нав кардан

Муовинони Раиси шаҳр

Ғайбуллозода Х. Ғайбуллозода Х. Муовини аввали Раиси шаҳрХайрулло  Ғайбуллозода бо қарори Раиси шаҳр таҳти №281 аз 2 июни соли 2016 муовини якуми Раиси шаҳри Хуҷанд таъин г...
Ҳомидзода А.А. Ҳомидзода А.А. Роҳбари Дастгоҳи Раиси шаҳр.Абдуваҳҳоб Ҳомидзода  8-уми июни соли 1978 дар шаҳри Хуҷанд таваллуд ёфтааст. Миллаташ тоҷик, маълумоташ олӣ. Со...
Раҳматзода А.А. Раҳматзода А.А. Муовини Раиси шаҳр.Раҳматзода Аюбҷон Алиҷон 7-уми августи соли 1974 шаҳри Хуҷанд таваллуд шудааст. Миллаташ тоҷик, маълумот олӣ. Соли 1997  ...

Роҳбарони сохторҳо

Ишонқулов Ғ. С. Ишонқулов Ғ. С. Ишонқулов Ғайрат Саидбекович 25-уми  феврали соли 1981 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли ...
Каримов М.М. Каримов М.М. Каримов Мирзоқосим Мирзокаримович 17-уми сентябри соли 1984 дар шаҳри Хуҷанд дар оилаи зиёӣ таваллуд шудааст. Миллаташ тоҷик. Маълумоташ олӣ...
Алимов У.С. Алимов У.С. Алимов Усмон Собирҷонович 20-уми майи соли 1958 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1979 Донишгоҳи да...
Ҷӯраева К.Я. Ҷӯраева К.Я. Ҷӯраева Кибриё Яҳёевна 9 сентябри соли 1966 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли 1997 Донишг...
Исматҷонов Б.Ҳ. Исматҷонов Б.Ҳ. Исматҷонов Бахтиёр Ҳусейнович 31-уми  майи соли 1982 дар шаҳри Хуҷанд таваллуд шудааст. Миллаташ тоҷик. Соли 2004 Донишгоҳи давлатии Хуҷанд ...
Миробидова М.М. Миробидова М.М. Миробидова Муаттар Мирмуҳамадовна 24 июни соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Донишгоҳ...
Миркамолов М. Н. Миркамолов М. Н. Миркамолов Муҳсин Насруллоевич 10-уми ноябри соли 1959 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 1980 Донишгоҳ...
Исоев А. А. Исоев А. А. Исоев Абдумубин Аскарович, 4-уми январи соли 1966 шаҳри Хуҷанд таваллуд ёфтааст. Миллаташ тоҷик. Соли 1987  Донишкадаи политехникии Тоҷикист...
Султонов И.И. Султонов И.И. Султонӣ Илҳом Инъомзода 9-уми сентябри соли 1979 дар шаҳри Хуҷанд таваллуд ёфтааст. Миллаташ тоҷик буда, маълумоташ олӣ аст. Соли 2000 Дониш...
Ҷамшед Набизода Ҷамшед Набизода Ҷамшед Набизода 9-уми майи соли 1981 дар шаҳри шаҳри Хуҷанд таваллуд ёфтааст. Миллаташ тоҷик. Соли 2003 Донишгоҳи давлатии ҳуқуқ, бизнес ва ...
Расулзода Р.Р. Расулзода Р.Р. Расулзода Раҳим Расул 20-уми июли соли 1978 дар шаҳри Хуҷанд таваллуд шудааст. Миллаташ тоҷик. Маълумоташ олӣ. Соли 2000 Донишгоҳи давлатии ...
Муҳаммадзода М. М. Муҳаммадзода М. М. Муҳаммадзода Мӯъмин Муҳаммад. 15-уми июни соли 1958  дарр   шаҳри Хуҷанд   таваллуд ёфтааст. Соли 1981 Донишкадаи политехникии Тоҷикистонро ...
Бобозода Т. К. Бобозода Т. К. Бобозода Толиб Карим 1-уми  августи соли 1968 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1994 Донишкадаи пол...
Қаландаров И. Ш. Қаландаров И. Ш. Қаландаров Иброҳим Шарифҷонович 8-уми ноябри соли 1963 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ. Соли 198...
Ёрматов А. Р. Ёрматов А. Р. Ёрматов Абдухалил Рустамович 3-уми феврали соли 1976 дар шаҳри Хуҷанд таваллуд ёфтааст. Миллаташ тоҷик, маълумоташ олӣ, соли 1998 Филиали до...
Бойматов Ф. М. Бойматов Ф. М. Бойматов Фирдавс Мақсудович 26-уми январи соли 1981 дар шаҳри Хуҷанд таваллуд ёфтааст. Миллаташ тоҷик, маълумот олӣ, соли 2005 Донишгоҳи дав...
Самадов С.А. Самадов С.А. Самадов Сӯҳробҷон Абдусамадович 29-уми декабри соли 1976 дар шаҳри Хуҷанд таваллуд ёфтааст. Миллаташ тоҷик, маълумот олӣ. Соли 1998 филиали ...
Собитова М. А. Собитова М. А. Собитова Мунзифа Аҳмадовна 14-уми  сентябри соли 1960 дар шаҳри Хуҷанд таваллуд ёфтааст. Миллаташ тоҷик, маълумот олӣ, соли 1982 Донишгоҳи д...
Бобоҷонов А.А. Бобоҷонов А.А. Бобоҷонов Абдусалом Абдурасулович 27-уми декабри соли 1966 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ, соли...
Юсупов М. З. Юсупов М. З. Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад. Соли 1999 ба шуъбаи рӯзноманигор...
Сангинова М. А. Сангинова М. А. Сангинова Муяссар Абдуқаҳоровна 15 октябри соли 1979 дар шаҳри Хуҷанд таваллуд шудааст. Миллаташ тоҷик. Таҳсилот олӣ. Соли 2002 Донишгоҳи да...
Раҳимхӯҷаев М. А. Раҳимхӯҷаев М. А. Раҳимхӯҷаев Музаффар Анварович 8 августи соли 1982 дар шаҳри Хуҷанд таваллуд шудааст. Маълумоташ олӣ. Миллаташ тоҷик. Соли 2003 Донишгоҳи да...
Маликисломов Н. Н. Маликисломов Н. Н. Насим Маликисломов 23 октябри соли 1986 дар шаҳри Хуҷанд, дар оилаи хизматчӣ ба дунё омадааст. Соли 1994 ба мактаби таҳсилоти умумии №18-и ш...

Ташрифкунандагон

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз600
mod_vvisit_counterРӯзи гузашта1172
mod_vvisit_counterҲамин ҳафта2710
mod_vvisit_counterҲафтаи гузашта5411
mod_vvisit_counterҲамин моҳ17286
mod_vvisit_counterМоҳи гузашта22008
mod_vvisit_counterҲамагӣ1047631