06 Январ 2018
Дар давоми соли 2017 1598 адад муроҷиатҳои хаттӣ ва шифоҳии шаҳрвандон аз ҷумла, 1101 адад оид ба гирифтани қитъаи замини наздиҳавлигӣ, 242 адад таъмин шудан бо манзили истиқоматӣ, 82 адад барои хусусусигардонии манзили фонди давлатӣ, мавриди баррасӣ қарор гирифт, ки тибқи тартибот масъалаҳои шаҳрвандон дар комиссияҳои ҷамъиятӣ, манзили ва хусусигардони мавриди муқокима қарор дода, баҳри ҳалли масъалаҳои шаҳрвандон қарорҳои дахлдор ба имзо расонида шуд ва аз натиҷааш ба шаҳрвандон тариқи хаттӣ ҷавобҳои мушаххас ирсол гардид. Боиси тазаккур аст, ки дар давоми солҳои 2010-2017 дар маҷмӯъ 5318 нафар оилаҳои эҳтиёҷманди шаҳр бо қитъаи замини наздиҳавлигӣ таъмин гардидаанд аз ҷумла; аз ҳудуди шаҳри Хуҷанд 2788 нафар шаҳрвандон бо қарорҳои Раиси шаҳр ба масоҳати 166,54 гектар ва ба 2530 нафар шаҳрвандони шаҳри Хуҷанд бо қарорҳои Раиси ноҳияи Бобоҷон Ғафуров аз шаҳраки Сайҳун ба масоҳати 1501,8 гектар қитъаи замини наздиҳавлигӣ ҷудо карда шудааст.
Ҷоиз ба зикр аст, ки бо иқдоми неки Раиси шаҳри Хуҷанд Маъруф Муҳаммадзода дар соли 2017 ба 22 нафар шаҳрвандони шароиташон нисбатан вазнинтар барои сохтмони хонаи истиқоматӣ ба ҳар якеи онҳо масолеҳи сохтмонӣ аз қабили 2 тоннагӣ семент ва 2 адади нақлиёти боркашони тамщаи “Камаз” шащал ҷамъ, 44 тонна семент ва 44 нақлиёти боркашон шащал расонида шуд, ки айни замон аз ҷониби шаҳрвандони шаҳри Хуҷанд сохтмони хонаҳои истиқоматӣ дар қитъаи замини наздиҳавлигии ҷудогардида ощоз шуда, зиёда аз 150 нафар шаҳрвандони шаҳри Хуҷанд барои беҳтар намудани шароити манзилиашон корҳои сохтмониро дар шаҳраки Сайҳун идома дода истодаанд.
Бояд қайд намуд, ки айни замон тибқи рӯйхати эҳтиёҷмандони беҳтар намудани шароити манзилӣ, ки дар навбат қарор доранд 3500 нафар расман ба ҳисоб гирифта шуда, барои таъмин шудан бо хонаи истиқоматӣ 1657 нафарро ташкил медиҳад.
Дафтари матбуоти
Раиси шаҳри Хуҷанд
