09 Сентябр 2017
Раҷаббой Аҳмадзода гуфт, ки бо дастгирӣ ва ҷонибдории Президенти мамлакат мӯҳтарам Эмомалӣ Раҳмон дар зарфи 26 соли Истиқлолияти давлатӣ дар шаҳри Хуҷанд беш аз 450 адад иншооти гуногун ба маблағи зиёда аз 1, 5 миллиард сомонӣ бунёд ва ба истифода дода шудааст. 3 лоиҳаи бузурги инфрасохтӣ баҳри рушду тараққиёти шаҳр ба маблағи беш аз 67 миллион доллар бо ҷалби шарикони рушд амалӣ гардидааст.
Раиси Кумитаи идораи замини вилояти Суғд Ҷамшед Умарзода табрикоти Раиси вилояти Суғд Абдураҳмон Қодириро ба самъи ҳозирин расонд, ки дар он аз ҷумла омадааст: “Ҳар яки мо баробари ба ҷо овардани шукронаи ин пешравиҳо, соҳибватанӣ ва ифтихор аз Тоҷикистони соҳибистиқлол тамоми кӯшишамонро ба хотири сарҷамъии миллат, тақвияти иқтидори давлат, ободии фардои кишвар ва осоиши зиндагии халқамон, иҷрои дастуру супоришҳои Асосгузори сулҳу Ваҳдати миллӣ - Пешвои миллат, мӯҳтарам Эмомалӣ Раҳмон сафарбар намоем”.
Раиси шаҳри Хуҷанд Маъруф Муҳаммадзода зимни ироаи номаи табрикотӣ қайд намуд, ки дар таърихи навини давлатдории тоҷикон санаи 9 сентябри соли 1991 чун Рӯзи Истиқлолияти давлатии Ҷумҳурии Тоҷикис-тон бо ҳарфҳои заррин сабт гардидааст. Дар ҳақиқат Истиқлолият ганҷи бебаҳо, неъмати азизтарин барои мардуми тоҷик аст, ки воқеан дар дарозои бисту шаш сол кишвари моро таҳти раҳнамоиҳо ва ҳидоятҳои Асосгузори сулҳу Ваҳдати миллӣ, Пешвои миллат, Президенти мамлакат, муҳтарам Эмомалӣ Раҳмон ба сӯи музаффариятҳои бузург ҳидоят намудааст.
Маъруф Муҳаммадзода таъкид кард, ки солҳои аввали Истиқлолият (1992-1995) музди меҳнат ва нафақа тамоман ночиз буд ва он ҳам сари вақт пардохта намешуд. Муаллимону табибон 3-5 сомонӣ ва хизматчиёни давлатӣ 15-17 сомонӣ маош мегирифтанд. Имрӯз андозаи миёнаи маош дар шаҳри Хуҷанд ба 1200 сомонӣ расидааст. Дар даврони Истиқлолият ҳаҷми истеҳсоли молҳои саноатии рақобатпазир зиёда аз 760 миллион сомониро ташкил намуда, ба маблағи 750 миллион сомонӣ афзоиш ёфтааст”.
Раиси шаҳр гуфт, ки айни ҳол дар қаламрави шаҳр 1780 корхонаю ташкилотҳои хурду бузург бо шакл³ои гуногуни моликият фаъолияти худро ба роҳ мондаанд. Танҳо дар даврони соҳибистиқлолӣ дар қаламрави шаҳр 200 корхонаи хурду бузурги саноатӣ арзи ҳастӣ намуд.
Боиси тазаккур аст, ки қисми даромади умумии буҷети шаҳр нисбат ба соли 1991 34,3 маротиба афзуда, он ба 310 миллион сомонӣ расидааст, қисми хароҷоти буҷети шаҳр бошад, 116 миллион сомониро ташкил намуда, 15 маротиба зиёд гардидааст. Тайи солҳои охир, аниқтараш дар соли 2016 маблағгузорӣ ба соҳаи ҳаётан муҳим – тандурустӣ ба маблағи 32,8 миллион сомонӣ, ё 28,2 фоиз, ба соҳаи маориф 56,7 миллион сомонӣ, ё 48,8 фоизи қисми хароҷоти буҷети шаҳр сарф шудааст. Давоми ин солҳо мактабҳои наву биноҳои иловагии онҳо бо 2 ҳазору 884 ҷои нишаст сохта, мавриди баҳрабардорӣ қарор дода шудаанд.
Маъруф Муҳаммадзода аз сиёсати иҷтимоии Давлату Ҳукумат тавсиф намуда, зикр кард, ки дар давраи Истиқлолият барои бунёди манзилҳои истиқоматӣ ба 7481 оила, 4 ҳазору 500 гектар замин ҷудо карда шуда, зиёда аз 3078 ҳуҷраҳои истиқоматӣ сохта шуда, аз онҳо 79 ададаш хонаҳои хизматӣ ба ҳисоб меравад. Инчунин дар ин муддат, дар шаҳр зиёда аз 450 адад биноҳои маъмуриву иҷтимоӣ бунёд ёфта, танҳо дар 10 соли охир ба маблағи зиёда аз 950 миллион сомонӣ фондҳои асосӣ ба истифода дода шудаанд, ки симои Хуҷандро куллан тағйир додаанд.
Раиси шаҳри Хуҷанд дар анҷоми номаи табрикотии хеш бори дигар ҳамагонро бо ҷашни Истиқлолияти давлатии Ҷумҳурии Тоҷикистон таҳният гуфта, таманно намуд, ки мо бояд бо дарки масъулияти баланд, имони комил ба муқаддасии ҳастии ватан якҷоя камар баста, диёрамонро боз ҳам обод ва сатҳи зиндагии мардумро беҳтар намоем. Тавре, ки Асосгузори сулҳу Ваҳдати миллӣ, Пешвои миллат, Президенти кишвар, мӯҳтарам Эмомалӣ Раҳмон таъкид намудаанд, ки «Ватан дар баробари модар муқаддас буда, дар сарнавишти инсон нақши ҳалкунанда мебозад, зеро бидуни Ватан инсон бе сарнавишт ва бе қурбу манзалат аст».
Хуршеди озодию Истиқлолият ба хонадони ҳар яки Шумо то абад нуру зиё ва файзу баракат афзояд! Бигузор, парчами Истиқлолияти давлатии Ҷумҳурии Тоҷикистон барои ҳамеша парафшон ва кабӯтарони сулҳу дӯст, ваҳдату ҳамдилӣ дар осмони кишвари азизи мо ҳамеша дар парвоз бошанд.
Сипас ба 33 нафар пешсафон ва машълафрӯзонаи арсаи меҳнат ба шарафи 26 солагии Истиқлолияти давлатии Ҷумҳурии Тоҷикистон Сипоснома, Ифтихорнома ва тӯҳфаҳои хоитиравии Раиси вилояти Суғд ва Раиси шаҳр Хуҷанд тақдим карда шуданд.
Барномаи пурмуҳтавои фарҳангӣ аз ҷониби аҳли ҳунари шаҳр табъи ҳозиринро болида сохт.
Дафтари матбуоти
Раиси шаҳри Хуҷанд.
