08 Июн 2016
Кори ҷаласаро муовини Раиси шаҳри Хуҷанд, муовини Раиси Шӯрои ҷамъиятӣ Умеда Муродӣ оғоз намуда ба ҳозирон иттилоъ дод, ки аз 14 нафар аъзоёни Шӯро 13 нафар нафар иштирок доранд.
Аъзоён масъалаҳои барои баррасӣ пешниҳод намударо иборат аз се банд,- тасдиқи ваколати аъзои Шӯрои ҷамъиятӣ, ки намояндаи худро дар Шӯрои ҷамъиятӣ иваз намудаанд, рафти иҷрои Қарори Раиси шаҳри Хуҷанд аз 27.01.2015, №78 «Дар бораи амалӣ намудани нақша-чорабиниҳои «Барномаи рушди туризм дар Ҷумҳурии Тоҷикистон дар давраи солҳои 2015-2017» ва татбиқи Барномаи вилоятии «Соли 2016-Соли маҳалла, деҳа ва шаҳраки обод» дар маҳаллаҳои шаҳр баррасӣ намуданд. Тибқи масъалаи якуми рӯзнома бинобар ба амал омадани тағийроти кадрӣ, дар Шӯрои ҷамъиятӣ зарурати иваз намудани Раиси Шӯрои ҷамъиятӣ ба миён омадааст.
Бо таклифи раисикунандаи ҷаласа ба ҷои Раҷаббой Ахмадзода ба вазифаи Раиси Шӯрои ҷамъиятии шаҳр иҷрокунандаи вазифаи Раиси шаҳри Хуҷанд – Шарифзода Шариф Файз пешбарӣ гардид,ки аъзоёни Шӯро ҷонибдории худро бобати ин пешниҳод изҳор намуданд. Баъди овоздиҳии якдилона иҷрокунадаи вазифаи Раиси шаҳри Хуҷанд Шарифзода Шариф Файз ба вазифаи раиси Шӯрои ҷамъиятии шаҳри Хуҷанд интихоб гардида, садорати минбаъдаи ҷаласаро ба зимма гирифт.
Дар асоси банди дубми рӯзномаи ҷаласа Шарифзода Шариф Файз суханро ба мудири Бахши ҷавонон варзиш ва сайёҳӣ Бахтиёр Исматҷонов дод. Номбурда доири “Рафти иҷрои Қарори Раиси шаҳри Хуҷанд аз 27.01.2015, №78 «Дар бораи амалӣ намудани нақша-чорабиниҳои «Барномаи рушди туризм дар Ҷумҳурии Тоҷикистон дар давраи солҳои 2015-2017» маърӯза намуд.
Зимни баромади худ Бахтиёр Исматҷонов қайд намуд, ки “Бо мақсади татбиқи Қонуни Ҷумҳурии Тоҷикистон “Дар бораи туизм”, рушди минъбадаи соҳаи туризм, қарори Раиси шаҳри Хуҷанд аз 27 январи соли 2015, №78 «Дар бораи амалц намудани нақша-чорабиниҳои «Барномаи рушди туризм дар Ҷумҳурии Тоҷикистон дар давраи солҳои 2015-2017 дар шаҳри Хуҷанд» бо дарназардошти 24 банд ва маблащгузорц 302 ҳазор сомонц аз ҳисоби буҷети маҳаллц ва 396 ҳазор сомонцаз ҳисоби дигар манбаъҳо ба тавсиб расид.
Ҳамзамон бо мақсади омӯзиш ва таҳлили вазъи ҳуқуқию иқтисодц ва иҷтимоц дар самти рушди соҳаи туризм бо қарори Раиси шаҳр аз 4 марти соли ҷорц таҳти рақами 120, Шӯрои ҳамоҳангсозии соҳаи туризм дар назди мақомоти иҷроияи ҳокимияти давлатии шаҳри Хуҷанд таъсис гардида, Низомнома ва ҳайати Шӯро тасдиқ карда шуд.
Айни ҳол дар шаҳр 6 адад ширкатҳои сайёҳц ба монанди ширкати сайёҳии «Спутник», филилали «Сущдиён – Помир Тур», «Олами сайёҳат», «Шарқ -Амрико», “Марко-Поло” ва ширкати сайёҳии “Согдиана Трейд” фаъолият намуда истодаанд.”
Аъзоёни Шӯро Наим Маликисломов, Мубинҷон Маҳмудов доири пешрафти соҳа андаҳои худро иброз намуда барои боз ҳам таҳким бахшидани сохторҳои дахлдори соҳа ва ширкатҳои сайёҳӣ таклифу пешниҳодҳои худро баён намуданд.
Раиси шаҳри Хуҷанд Шарифзода Шариф Файз дар навбати худ таъкид намуд, ки барои рушди туризми дохилӣ, ошноии ҳар ҷчи бештари сокинон бо мавзеҳои сайёҳии минтақаҳои мухталифи кишвар аз қабили Бадахшону Рашту Хатлон, ҳамчунин таҳияи харитаи сайёҳии маркази вилоят ва ҷалбу омода намудани роҳбаладҳои маҳаллӣ тадбирҳои мушаххас андешанд.
Баъдан ҳозирон маърӯзаи мудири Шӯъбаи кор бо маҳаллаҳои дастгоҳи Раиси шаҳр Файзулло Мамадҷонов тибқи масъалаи сеюми рӯзнома,- татбиқи Барномаи вилоятии «Соли 2016-Соли маҳалла, деҳа ва шаҳраки обод» дар маҳаллаҳои шаҳр шуниданд. Баъди баррасии масъалаи мазкур аъзоёни Шӯрои ҷамъиятӣ вобаста ба ин банди кори ҷаласа қарори дахлдор қабул намуданд.
Дар интиҳо иҷрокунандаи вазифаи Раиси шаҳри Хуҷанд, раиси Шӯрои ҷамъиятӣ Шарифзода Шариф Файз изҳори боварӣ намуд,ки аъзоёни Шӯрои ҷамъиятӣ дар соли 2016, ки дар вилоят «Соли фарди солим» эълон шудааст, дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Ҷаноби Олӣ мӯҳтарам Эмомалӣ Раҳмон ва Раиси вилоят мӯҳтарам Абдураҳмон Қодириро сармашқи кори худ қарор дода, дар ин ҷода ҳамкории судмандро бо ҷомеа, мақомоти ҳифзи ҳуқуқ, раисони кумитаҳои маҳаллаҳо, муассисаҳои таълимӣ ва оилаҳои пешқадам доимӣ ба роҳ монда, таъмини рушди бемайлони ҳамаи соҳаҳои хоҷагии халқ, болоравии иқтисодиёту иҷтимоиёт, ҳамчунин дар самти сохтмону ободонӣ ҷиҳати ташкил ва гузаронидани «500 рӯзи ободонӣ дар шаҳри Хуҷанд» бахшида ба 25-солагии Истиқлолияти давлатии Ҷумҳурии Тоҷикистон, амалӣ намудани чорабиниҳои Соли 2016-Соли фарди солим ташкилу сафарбар хоҳанд кард.
